KellyChu - 啟德體育園主場館內部曝光 頂蓋開合舞台識轉 | Executive日記
KellyChu
2024-12-11 02:00
字體大小
政府積極推動香港成為盛事之都，而舉辦盛事又點少得了盛大場地，可容納5萬名觀眾嘅啟德主場館，明年3月將有香港國際七人欖球賽登場，4月更有萬眾期待嘅英國殿堂級樂隊Coldplay演唱會。啟德體育園昨日公布主場館內部設計，可見場館上方設有可開合頂蓋及大草地，勢將成為各類大型活動嘅首選舞台。
即將落成啟用嘅啟德主場館，觀眾席座位為紅紫色調，館內設有可開合頂蓋、可轉換舞台位置與座位配置，以及靈活草坪系統設計。南看台亦可讓觀眾在寬敞嘅活動平台上盡情享受活動。其中玻璃幕牆更將維港美景一覽無遺，無縫連接主場館與充滿活力嘅城市景觀。
啟德體育園表示，色彩繽紛嘅座椅展示咗中文「啟德」二字，象徵喺呢個充滿回憶嘅地方再次起飛，並向歷史致敬。隨着主場館內嘅創新草坪系統即將完成鋪設，將能引入更多頂級足球和欖球賽事，並靈活地舉辦音樂會等各類大型活動。政府明年初亦將安排5萬人參與主場館測試。
KellyChu
觀眾席座位為紅紫色調。
更多文章
