KellyChu - 迪士尼夥20機構「分享愛」 派逾1.8萬聖誕禮物暖童心 | Executive日記
KellyChu
2024-12-12 02:00
字體大小
聖誕前夕，香港迪士尼就攜手20間非牟利機構，再度舉辦「分享禮物．分享愛」聖誕玩具捐贈活動，為基層兒童，精心準備逾1.8萬份、總值超過400萬元嘅聖誕禮物。Kelly都有幸見證其中一場，由迪士尼同救世軍舉行嘅活動，睇到米奇帶住聖誕禮物驚喜現身，30幾位小朋友收到禮物雀躍嘅樣，真係覺得好窩心！
上周六一大早，迪士尼義工就來到救世軍田家炳學校，喺操場壘起「禮物山」，並據早前收集嘅願望卡片，為小朋友精心挑選聖誕禮物。
之後，小朋友就喺義工帶領下，舉辦咗一場聖誕派對，期間身着聖誕套裝嘅米奇閃亮登場，派發驚喜禮物，惹起小朋友一片歡呼！
7歲半嘅梁芷瑩收到嘅禮物係迪士尼玩具，臉上滿是甜蜜笑容。佢話，前一晚已經激動到瞓唔着，又係第一次同米奇見面，形容呢個係佢最難忘嘅聖誕節。佢又特別提到，米奇拍自己肩膀嗰陣，覺得好親切！
KellyChu
更多文章
