KellyChu - 《守護同行》 專業分享 消防處助提升社區安全 | Executive日記
KellyChu
2024-12-16 02:00
字體大小
嚟到2024年尾聲，消防處推出今年第四期刊物《守護同行》，介紹「消防處社區聯動網絡」如何協助提升社區安全，以及訪問駐消防處高級化驗師，分享為危險品把關和支援化學事故嘅點滴，向市民揭開嚴防「生化危機」嘅重要一環。
消防處喺2022年成立「消防處社區聯動網絡」，成員包括民政事務總署轄下18區地區防火委員會主席及消防處各分區指揮人員。成員定期開會，共同為消防安全議題出謀獻策，加強向社區傳遞公眾安全及應急資訊，反映居民關注嘅消防安全事宜，務求全面提升社區安全水平。
加入政府超過20年嘅高級化驗師盧文峰博士係今期專訪人物，佢喺2023年調任消防處，將其豐富化學知識充分應用到消防處嘅危險品工作上。除咗就有關化學物品申報資料提出專業意見外，亦利用其專業知識協助前線人員處理化學品事故。
例如今年5月喺元朗工業邨發生嘅化學品洩漏事故，工廠存放嘅苯乙烯，出現化學反應而過熱冒煙，並飄散至民居。盧文峰與同事評估，需靠持續射水降溫紓緩，直至化學作用終結為止，最後前線同事連續數天駐守處理事故。面對新能源高速發展，盧文峰亦經常與同事交流化學知識，協助部門制訂規管策略。
今期豐富內容仲有消防健兒參與世界消防競技大賽取得佳績、跨部門事故演習和消防人員嘅救援分享等等。其中包括10月14日於新油麻地公眾貨物裝卸區發生嘅三級火警救援過程，以及8月8日晚上在跑馬地一幢住宅，成功拯救身困40樓高嘅兩位吊船工人個案。欲知最新一期《守護同行》精彩內容，可掃描二維碼瀏覽電子版。
KellyChu
最Hit
國家補貼｜香港人持回鄉證經「雲閃付」買手機/家電享最多¥2000折扣券！附深圳國補申請教學及領取條件
2025-02-03 20:04
前TVB花旦仙氣星二代 嬌滴滴竟然紮鐵砌磚！曾上榜民選「靚到癲女明星」
2025-02-03 21:00
更多文章
