KellyChu - 「當紫禁城遇上凡爾賽宮」 故宮館150件宮廷珍品顯中法情誼 | Executive日記
KellyChu
2024-12-17 02:00
字體大小
為慶祝中法建交60周年及中法文化旅遊年，香港故宮文化博物館明天起將隆重推出特別展覽「當紫禁城遇上凡爾賽宮——十七、十八世紀中法文化交流」。香港市民有幸見證兩大皇宮世紀相遇，一睹近150件珍品，了解中法宮廷在文化、藝術、科技等領域互相欣賞和啟發嘅歷史。
小妹昨天參加傳媒預覽率先大飽眼福，其中一幅喺1766年創作嘅油畫相當驚喜，皆因Kelly係一名音樂迷，畫中描繪咗傳奇作曲家莫扎特9歲時喺音樂沙龍表演，在未有相機嘅年代，人們透過畫畫記錄生活，好開心能夠從此畫了解到偶像嘅足跡。
呢幅畫其實係講法國貴族一邊欣賞音樂，一邊以瓷質茶具品茶。據介紹，佢哋用嘅該套茶具曾經係法國國王路易十六珍藏，由塞弗爾瓷廠製造，畫有濃厚中式風格人物圖案。當時中國茶葉外銷歐洲，喺歐洲掀起咗一股飲茶風潮，因此帶動咗瓷器茶具嘅需求，而法國生產嘅硬瓷，即使注入滾燙茶水，亦唔會輕易破裂。
另一件小妹喜歡嘅展品係一隻用嚟盛載「潘趣酒」嘅大碗（見下圖），此碗係路易十五喺1751年向法國文森瓷廠（塞弗爾瓷廠前身）訂購嘅1749件晚餐及甜點成套餐具之中一件，可見18世紀當時已好流行飲fruit punch。碗嘅外觀用上「天藍」色，為文森瓷廠首創，18世紀歐洲稱清朝作「天朝」，故「天藍」可能係對中國嘅致敬。
除咗畫作同瓷品，展覽仲有玻璃器、琺瑯器、紡織品等展品，亦涵蓋書籍、科技儀器等珍品，亦包括9件中國國家一級文物，以及凡爾賽宮近年來收入嘅珍藏，其中大部分展品更加係首次喺香港展出。
KellyChu
最Hit
國家補貼｜香港人持回鄉證經「雲閃付」買手機/家電享最多¥2000折扣券！附深圳國補申請教學及領取條件
2025-02-03 20:04
前TVB花旦仙氣星二代 嬌滴滴竟然紮鐵砌磚！曾上榜民選「靚到癲女明星」
2025-02-03 21:00
美國郵政即時停收來自內地及香港包裹 信件不受影響
39分鐘前
更多文章
