KellyChu - 「安安」「可可」提前歎聖誕大餐 | Executive日記
KellyChu
2024-12-24 02:00
字體大小
中央贈港兩隻大熊貓「安安」、「可可」，今年第一年喺香港過聖誕，海洋公園嘅動物護理團隊昨日製作咗可食用聖誕卡、冰製雪人及聖誕樹形狀竹竿，畀佢哋做聖誕禮物，而兩位主角亦非常享受。
護理員喺「安安」嘅場地放置聖誕禮物，包括由竹竿及窩窩頭組成嘅聖誕樹；用冰、紫薯、紅蘿蔔、南瓜、黃餅製作而成嘅「Merry Christmas冰牌」。「安安」出場時先飲咗啖水，再到爬架及場地附近徘徊，發現聖誕禮物時，先係舉起竹筍豪邁享用，又將自己嘅肚腩當成「小餐枱」，將食物吃清光。
護理員擺放咗兩個大小不一嘅雪人、南瓜及紅蘿蔔製成嘅熊貓、紅色球豐容物等畀「可可」享用。「可可」首先選擇咗最近佢嘅紅蘿蔔，然後走向隧道，從紅色球豐容物中取得竹筍，再躲入隧道中進食，吃完後又輕撫雪人，然後端坐「皇座」品嘗美食。
照顧「安安」及「可可」嘅護理專員指，兩隻大熊貓喺香港適應得很好，對新環境充滿好奇心，玩環境豐容物時亦很輕鬆自在。「安安」活潑好動，「可可」則喜歡me time時間，但佢哋都好喜歡同遊客見面，「可可」亦會行近玻璃位置同人互動。
KellyChu
最Hit
更多文章
