KellyChu - 港產片經典取景地 鴻運冰廳餅店結業 | Executive日記
KellyChu
2024-12-24 02:00
字體大小
屹立香港40多年嘅太子鴻運冰廳餅店，將於明天光榮結業。呢間冰廳曾經係多部經典港產片取景場地，包括周星馳主演嘅《行運一條龍》、杜琪峯導演嘅《黑社會II：以和為貴》等電影。有唔少食客得悉結業消息後，特意前往冰廳再次光顧並影相留念。
據知位於太子上海街嘅鴻運冰廳餅店，係香港碩果僅存嘅閣樓冰室，店內一磚一瓦都充斥着港式懷舊情懷，例如復古吊燈、紅色木櫈、花紋地磚等標誌性裝修，亦供應多款經典港式美食，曲奇皮蛋撻、牛油菠蘿包、叉燒太陽蛋飯，都係冰廳嘅招牌美食。
冰廳去年經歷火災後重新裝修，不過生意未見起色，加上多位伙計年時已高，宣布結業。 食客紛紛對此感到不捨，有指連鎖食店進駐、港人北上消費，令生意難做，「時勢所逼冇計」。
KellyChu
最Hit
更多文章
