Cally - 東港城第十九屆新春花展會「花韻迎春」 逾百款開運年花率先開售 兼享五大消費禮遇 | 商界講呢啲
Cally
23小時前
字體大小
唔經唔覺將軍澳東港城嘅新春花展會，已經嚟到第十九屆。今年花展會以「花韻迎春」命名，繼續由香港「蘭花大王」、千葉園創辦人楊小龍及楊尹俊父子檔，聯同香港年花大王、香港鮮花盆栽批發商會主席賴榮春共同主理，帶來各種矜貴蘭花及吉祥年花。
為咗慶祝花展會舉辦到第19年，「千葉園」今年精選咗19款本地培植香港蝴蝶蘭及日本蘭花，其中仲有3款本地培植蝴蝶蘭及5款日本蘭花係首次喺香港亮相嘅全新培植品種，夠晒矜貴！年花大王賴榮春主理嘅「山城花藝」亦預備咗過百款賀年花籃及吉祥年花，俾大家輕鬆選購年花佳品。
買完年花仲可以由專業花藝師幫手挑選包括花紙、襯花、配件等，展現出賀年蘭花及年花嘅高貴優雅美態，送禮自用都咁啱。有興趣嘅朋友亦可以參加賀年花藝工作坊，試吓創造出獨一無二嘅年花。
東港城更特別推出「The Point會員專享5大新春消費禮遇」，包括可以用$8換領「春曉映紅」開運蘭花、消費換領「雍容華貴 矜貴閃爍」限量版手工利是封、新春賀年禮品及零售禮券等禮品。由即日起至
2月23日，會員喺東港城「即賺分」參與商戶消費並成功登記積分，仲可以自動參加新春最高消費賞，推廣期內消費最高嘅15名會員可以合共獲高達$21萬東港城電子禮券，過番個肥年！
花展會由即日起至1月28號（年廿九）於東港城中庭舉行。
更多文章
