KellyChu - 「迪士尼STEM體驗行」 玩住旋轉杯學離心力 | Executive日記
KellyChu
2025-01-08 02:00
字體大小
香港迪士尼樂園推出「迪士尼STEM體驗行」，為小學生度身編製以科學、科技、工程及數學為學習重點嘅研學旅遊。近日就有一批來自深圳育才集團嘅小學生，專程跨境前往香港迪士尼樂園邊玩邊學，透過生動有趣嘅課程設計，加深理解知識嘅應用。
課程中，迪士尼導師會利用香港迪士尼嘅場景及遊樂設施，讓學生深入理解背後科學原理，凸顯STEM與日常生活息息相關。其中有來自羅湖區草埔小學嘅五年級學生指，學習每個小課題之前，導師都會先進行講解及模擬實驗，之後再坐旋轉杯感受當中嘅向心力和離心力，令所學知識更加深刻。
另一位就讀福田區紅嶺實驗小學嘅學生表示，今次佢哋可以喺歡樂氛圍中學習，課程設計中嘅趣味元素亦有助提高專注度，完成不同學習任務後更可獲得導師嘅小獎勵，因此令大家喺學習過程中都表現認真。
KellyChu
最Hit
更多文章
