KellyChu - 鴨寮街售有姓名「萬用刀」 網民合力交回留英物主 | Executive日記

  遠在英國都可以尋回失物,全靠網絡力量。最近有網友喺Facebook專頁「香港突發事故報料區及討論區」發文,指於鴨寮街看見一把貼有名字嘅「萬用刀」,事件喺網民合力牽線下,成功搵到身在英國留學嘅物主,佢最後仲透過朋友拎返把刀,結局令網民大讚感動。

  通常係學生先會貼自己個名喺個人物品上,所以發文嘅樓主寫道:「梁XX小朋友,你去旅行被收了的萬用刀,現在去到鴨寮街出售。」其後有網民留言話:「疑似搵到當事人嘅朋友。」並附上對話截圖,指物主係一名venture(深資童軍)。

  呢位深資童軍亦現身說法,指把刀係喺機場過關時被人掉咗,亦請咗朋友代為購回。朋友更附上喺英國交回萬用刀畀佢嘅現場相片!不少網民留言大讚事件:「好感人既故事。」「童軍相處如手足!童軍規律唔係口號。」「又譜出一份緣份。」促成今次奇蹟嘅樓主也留言:「太好太感動了,可以物歸原主。」

KellyChu

更多文章