KellyChu - 昂坪市集重現《香港四徑大步走》綠郵筒 憑戲飛票尾可享纜車門票85折 | Executive日記
KellyChu
2025-01-17 02:00
字體大小
電影《香港四徑大步走》最近討論度甚高，Kelly身邊嘅政商界名人紛紛推薦呢套戲，連文化體育及旅遊局局長羅淑佩都話受電影啟發，要研究如何推廣香港行山徑和賽事。
鄰近昂坪市集嘅「鳳凰徑」正是四徑之一，電影亦有喺市集取景。昂坪360團隊認真快手，睇準電影熱度，立即同電影公司合作搞推廣活動，市集喺年廿八至初三會重現電影中象徵起點和終點嘅綠色郵筒，並提供電影主題打氣卡，供購買纜車門票嘅朋友送上「打氣」訊息，並投進仿製郵筒。收集到嘅打氣卡，將交予電影中參賽主角。
另外，購買纜車門票嘅朋友更可換領限量電影主題揮春，一套4張，代表電影中嘅四徑。而且憑電影票尾到纜車站購票，亦可享纜車門票85折優惠！
新一年嘅「香港四徑超級挑戰」將於年初一至初三（1月29日至31日）舉行，昂坪鳳凰徑再次係比賽路徑之一，當參賽者路經昂坪市集，睇到熟悉嘅「郵筒」，必定能感受到大家嘅鼓勵，為佢哋增添動力！
KellyChu
《香港四徑大步走》中，參賽者會親吻在行山徑起點和終點嘅綠色郵筒，象徵開始和結束。
更多文章
