KellyChu - 「九廣通」列車下周四駛進港鐵「站見」展 | Executive日記
KellyChu
4小時前
字體大小
「小明上廣州 探親友 樂同遊」，一首《小明上廣州》曾經好洗腦，當年未有高鐵嘅時候，唔少人上廣州可能都會選擇搭城際直通車(又稱廣九直通車)。港鐵下周四起便會於紅磡站舉行緊嘅「站見」鐵路展，新增展出已經退役嘅「九廣通」雙層列車，市民可以進入車廂參觀，緬懷昔日上廣州嘅美好回憶。
自1998年投入服務嘅廣九直通車，連接九龍至廣州東，2020年疫情期間暫停服務後，由高鐵接棒。「九廣通」列車車身以綠、藍、白色為主，並保留咗兩鐵合併前九廣鐵路嘅「Ktt」標誌，係全港首列雙層列車。車廂內布局則參考飛機艙設計，有閱讀燈同呼叫燈。
運輸及物流局局長陳美寶及港鐵公司行政總裁金澤培博士今昨日到場主持「九廣通」列車進駐儀式。
陳美寶指，「站見」呢個展覽喺內地社交平台爆紅，認為有時候設計好多不同旅遊點，就係要利用香港嘅交通運輸基建，「鐵路就係我哋嘅本錢、我哋嘅底氣」，大家要多發掘呢啲存在已久嘅珍貴資產。
市民除咗可以登上列車參觀，亦可以於展覽內睇到直通車嘅員工制服配飾、列車模型等相關展品，了解本港鐵路發展。展覽逢周二至周日及公眾假期開放，暫定展出到年底，可預約免費入場。
KellyChu
運流局局長陳美寶（左六）及港鐵公司行政總裁金澤培博士（右六）主持「九廣通」列車進駐儀式。
最Hit
更多文章
