Cally - 政務司司長及管理層出席啟動禮 開幕日現場人氣鼎沸 新地「西沙GO PARK」隆重開幕 | 商界講呢啲
由新鴻基地產（新地）發展嘅西沙大型綜合發展項目「西沙GO PARK」經過試業後，噚日特別舉行啟動禮，標誌住香港又有一個新地標正式啟用。
西沙GO PARK佔地130萬平方呎，以「公園式運動商業綜合體」為設計概念，其中100萬平方呎嘅多元化戶外運動公園「GO PARK Sports」；而30萬平方呎嘅「運動商業綜合部分」匯聚多間運動消閒及餐飲娛樂商戶，仲有可以容納1,500人嘅多用途室內主場館；佔地共逾4萬平方呎嘅三大兒童遊樂區；逾3千呎嘅寵物公園等，稍後佔地13萬平方呎水上活動中心「GO PARK Aqua」亦即將開幕，為香港人提供最全面嘅康體課程及設施。
講番噚日嘅開幕禮，由政務司司長陳國基先生、中央人民政府駐香港特別行政區聯絡辦公室副主任祁斌先生、新鴻基地產主席兼董事總經理郭炳聯先生、新鴻基地產代理有限公司資深董事郭炳江先生、新鴻基地產執行董事郭基煇先生及郭基泓先生擔任主禮嘉賓，並聯同多位共創明「Teen」計劃師友及約千名嘉賓見證嶄新地標誕生。
新地主席郭炳聯先生致詞時表示：「新地秉承『以心建家』信念，矢志發揮西沙周遭有山有水嘅秀麗景色，打造西沙GO PARK成為香港人嘅後花園，既可以俾普羅大眾享受運動樂趣，亦適合三代同堂、連同家中寵物共享天倫之樂。」郭基煇先生亦表示：「作為全港唯一一個由私營機構營辦並對公眾開放嘅運動綜合體，GO PARK夥拍了十多個體育總會、知名體育學院等舉辦不同課程，推動體育普及化、精英化、產業化，並全面響應『無處不旅遊』。」喺活動上，奧運金牌運動員江旻憓小姐亦與郭炳江先生及共創明「Teen」計劃學員即席試打新興運動匹克球，氣氛輕鬆愉快。
新地作為共創明「Teen」計劃的策略夥伴之一，過去兩期均有超過200名新地員工擔任計劃嘅友師，亦有捐款及舉辦多項不同類型嘅活動，協助學員找到自己的發展道路，新一期新地有逾200名員工報名擔任共創明「Teen」計劃嘅友師。而為推廣西沙GO PARK全民運動理念，早前特別邀請咗約70名共創明「Teen」師友到西沙GO PARK試玩多項新興運動，擴闊學員眼界，發掘個人興趣與潛能，為培育本地年輕人出一分力。
為咗俾更多人認識並感受西沙GO PARK嘅完善設施，喺嚟緊1月25至28日，西沙GO PARK將會舉辦「GO慶」嘉年華，現場設置歡樂滿FUN嘅攤位遊戲外，仲會送出過千豐富獎品，與眾同樂。大家可以一齊嚟慶祝西沙GO PARK開幕月，體驗「Happiness in Nature」。
