Cally - 深圳歡樂海岸新春北上熱點 豐富節目玩住開運 | 商界講呢啲
Cally
2025-01-24 02:00
字體大小
新春期間唔少朋友都會北上吃喝玩樂，深圳歡樂海岸喺新春期間舉辦咗一連串新春主題活動，由即日起至2月12日，四喜財神空降歡樂海岸，俾大家迎財神；另外，影相打卡之餘，喺唔同地點集齊新年好運印章，仲可以免費領取限量禮物𠻹。新春期間亦有特色主題花市，包括年花年貨區、寵物區以及順德美食區，更不時有財神送大禮。
喺機遇時空X-META全感VR樂園主題快閃店體驗《八仙過海接財神》，戴上VR裝置可以同八仙一齊經歷冒險，迎接財神賜福。至於「巨獸來了」——恐龍主題綜合展覽，不但有《穿越侏羅紀》VR沉浸式體驗區，亦有恐龍化石展區，俾家長寓教育於娛樂。同場另一吸引主題就係「熊貓的世界」，可以體驗大熊貓生活環境，及欣賞全球首部大熊貓主題VR沉浸式電影！
鍾意雪嘅朋友可以嚟冰雪世界嘉年華滑雪橇、堆雪人以至各種冰天雪地嘅好玩遊戲。海洋奇夢館新年都換上新裝，以深圳本土水生生物保育為重點，打造成「大鵬灣畔」生態區。另一重點節目是2025灣區超級燈會，以「蛇舞灣區，春滿鵬城」作為主題，打卡位有巨型悟空、12生肖、財神等等，加上場內設多場互動表演，可以感受一個結合傳統及現代嘅彩燈盛會。場內仲有數十間唔同類型食肆，無論是新春食團年開年飯，一樣都咁啱！
留意新年期間，全場消費累計滿指定金額再送現金券，多消費多送，單次限領4次，再次消費時就可以用，唔好錯過呀！
深圳歡樂海岸
地址：深圳市南山區濱海大道2008號（地鐵9號線深圳灣公園E出口）
喺冰雪世界嘉年華，可以滑雪橇、堆雪人，最合一家大小。
立即去片
最Hit
連中3次六合彩袋近$6萬 幸運兒分享神奇報夢經歷 自爆去呢間投注站落注｜Juicy叮
2025-01-25 12:42
第五屆全球華人腎臟病學術大會暨香港腎科學會2024年周年學術會議圓滿舉行
2025-01-24 06:00
中環街市驚現30人排隊長龍！2樓排到地下只為買1食物？ 網民︰實話實說…普通
2025-01-25 12:00
