KellyChu - 出席迪士尼幻想工程挑戰賽頒獎禮致辭羅淑佩：增樂園吸引力鞏固地標景點 | Executive日記

KellyChu

2025-01-25 02:00

內容

香港迪士尼樂園昨日公布「迪士尼幻想工程香港挑戰賽2025」得獎名單，文體旅局局長羅淑佩、香港迪士尼樂園度假區行政總裁莫偉庭等出席頒獎禮。羅淑佩致辭嗰陣話，旅遊事務署會同迪士尼密切合作，增強樂園對遊客嘅吸引力，鞏固樂園作為香港地標性旅遊景點嘅地位。

　　羅淑佩表示，迪士尼幻想工程香港挑戰賽為來自唔同地域、教育及專業背景嘅年輕人，提供一個絕佳嘅創作平台；而政府目標，係推廣香港成為亞洲創意之都，營造創意氛圍，致力鼓勵支持年輕一代把握機會，促進藝術、文化、創意和旅遊相融合嘅發展。

　　今屆比賽要求參賽者以2124年為故事背景，透過設計互動教育體驗，分享地球應對各種議題嘅解決方法。香港浸會大學同香港城市大學組成嘅隊伍E13，結合創意與沉浸式講故事技巧，脫穎而出，摘得冠軍。而今次冠軍隊伍，除咗獲得現金獎勵，並到其他迪士尼樂園交流，仲獲得香港華特迪士尼幻想工程為期3個月嘅實習機會。

　　值得一提係，Kelly都有到場見證，發現典禮結束後，局長竟然抽空到迪士尼商店，選購新出嘅新春掛件，盡顯童心！

KellyChu