KellyChu - 小黑貓困巴士車底 消防「瞓身」救出 | Executive日記
KellyChu
2025-02-07 02:00 HKT
字體大小
牛頭角道昨日有一隻小貓躲入巴士車底，差啲受傷，好彩有暖心、英勇嘅消防員「瞓身」救出！
一輛九巴昨早約10時，沿牛頭角道往觀塘方向行駛，當途經花園大廈喜鵲樓對開埋站嗰陣，有等候巴士乘客目睹1隻小黑貓，偷偷跳入巴士車尾位置，於是立即通知車長。車長落車檢查，發現引擎位置傳出貓隻叫聲，只好通知乘客落車，並報案求助。消防員馬上到場拯救，拍打巴士車身，嘗試令小黑貓離開車底，但唔成功。之後愛護動物協會人員奉召到場，用手機播放貓叫聲，引起小黑貓反應，先鎖定佢位置。
消防員於是「瞓身」爬入巴士車底，耗時約10分鐘，喺巴士近車尾位置，救出1隻約數個月大、身長約8吋嘅小黑貓。佢好彩無受傷，最後交由愛協帶走檢查。
KellyChu
更多文章
