疑行李超重機場丟逾半百廁紙紙巾 港女：好多人望住 怪客身份似是...｜Juicy叮
發佈時間：16:26 2025-02-12 HKT
有港女在機場目睹有旅客懷疑行李篋超重，竟丟走篋內逾50多包廁紙紙巾，在機場回收垃圾桶前，堆成「廁紙」小山丘，蔚為奇觀。
該港女在社交平台Threads發帖，交代了這批「廁紙」的去向，而這位「廁紙控」的疑似身份，成為網民猜測焦點，不少人認為他最有可能是以下這類人：
疑行李超重機場丟逾半百廁紙紙巾 港女：好多人望住 怪客身份似是...↓↓↓↓
該港女在本周一（10日）於社交平台發帖表示，「喺機場見到有人掉哂喺喼入面各式各樣既維達紙巾，雖然我屋企都用緊，但未至於要買咁多，睇嚟果個人一定係忠粉。」
她現場拍到回收桶旁堆放了大堆散裝廁紙及面紙，點算約有逾50包。從該港女的留言，估計她可能在機場工作，她強調不是軟宣傳有關廁紙品牌：「親眼睇到純share~ 我並不是做marketing。」
有網民問：「有冇人去執？」她表示：「有一兩個人去咗執，同時有好多人望住堆紙巾。」「之後見有清潔姐姐即刻嚟用垃圾袋裝晒做一袋，唔浪費就好了。」她又表示：「就咁睇似係買咗好多袋，之後拆開入gip（篋）。」「如果紙巾多到超重都真係好多。」
同場加映：情侶機場爭執 港男踢行李落樓梯呼喝女友拾回：↓↓↓↓
她又強調發相發帖不是嘲笑該人士：「我無笑佢買紙巾啊，只係奇怪點解買完又要掉晒......好想知佢仲咩要帶咁多嚟掉。」她說，過往在機場曾「遇過d客因為知過唔到安檢，就當請我飲，起碼唔使直接掉浪費咗。」
有關帖文在不同社交平台被轉發，掀起熱烈迴響，不少網民熱議這名「廁紙控」的身份，綜合網民意見，不少人認為最有可能是移民或往海外留學人士。
英國嗰邊紙巾貴？網民：英國啲紙巾無咁差
有網民指出，手抽裝紙巾「喺倫敦買一包要£2.5（港幣24元）- £3（港幣29元）」，「成日聽埋聽埋話英國嗰邊紙巾貴。」「應該係啲歐洲嘅地方呢紙巾係好貴。」有移民者留言坦承：「我每次返香港都會買大量Tempo，順手當避震。」不過有網民則不認同：「英國啲紙巾無咁差啫，有位我寧願帶箱出前一丁＋維他檸檬茶。」
部分網民表示，海外留學人士都會要求父母「帶兩樣嘢去探親：1:熱浪；2:廁紙」，「我friend去留學都係帶好多紙巾，咩款都有。」有網民認為該人士「應該搵紙箱裝住去寄艙呀嘛」，不過另有網民則指：「寄艙費用應該貴過呢堆廁紙。」
同場加映：50客拖篋上車塞爆巴士座位 乘客直擊巴士轉彎即出事：「有人受傷邊個負責？」：↓↓↓↓
