Cally - 北角匯首辦人寵甜蜜蜜‧海濱嘉年華 溫馨滿Fun 打造浪漫海濱情人節 | 商界講呢啲
為慶祝港島東全新地標東岸板道嘅西段正式啟用，加上愛意洋溢的情人節即將到來，北角匯特意舉辦「人寵甜蜜蜜‧海濱嘉年華」，俾大家遊覽新地標時可以同時享受一個甜蜜嘅食玩買體驗。場內設有多個特色打卡位，包括浪漫夢幻嘅「戶外祈願櫻花園」，位於北角匯2期地下露天廣場嘅一片粉嫩櫻花海，營造出甜蜜氛圍，唔單止情侶可以喺櫻花樹下許願，寵主仲可以帶同毛孩一齊打卡！
只要憑市集或商場消費滿$100嘅即日單據，即可換領3大禮遇，寵物都有份！包括由今次嘉年華邀請嘅本地著名插畫師「JASONTOMMY 小塗蛙」坐陣，即畫人寵速寫畫像，亦都可以選擇特別以紅菜頭同雞骨製成，寵物專享嘅「DOGtail」飲品，或動物造型棉花糖一份，為毛孩帶嚟既美味又夢幻嘅體驗。另外，只要出示「戶外祈願櫻花園」或東岸板道打卡相，同時追蹤北角匯嘅社交帳號，仲有機會獲贈寵物零食一份！
限定市集及現場表演
現場仲有期間限定嘅人寵甜蜜蜜市集，齊集多間本地人氣寵物及美食品牌，包括新世界韓國超市、活LiTM、犀牛犀牛、Good Grooming及The Tokyo Trend等參與，提供多款人寵美食及生活精品任君選擇，寵主更可帶同愛犬一同選擇心頭好，與更多寵主朋友共渡溫馨寵物時光。適逢情人節，北角匯亦特別邀請多位本地Busker為嘉年華獻唱，以動人歌聲為大家送上甜蜜情歌，仲可以為另一半點唱心水歌曲，大家可以一邊欣賞維港景色享受無敵大海景，一邊沉醉於浪漫音樂之中，共度甜蜜時光，同時體驗情意綿綿的寵物共融社區。
作為五星級寵物友善商場，北角匯設有全港首個VIPet Lounge，毛孩可以喺度享受「毛孩影院」、「毛孩按摩區」及「毛孩放電區」等貴賓式服務！無論係想搵寵物精品、學習美容護理技巧，定係想同毛孩仔一齊影靚相打卡都做得到。
商場更設有寵主友善泊車位、寵物友善專用電梯，同時提供十大寵物貼心增值服務，除了可免費借用寵物飾物、寵物車外，只要捐款更可獲寵物抹身布、防蚊噴霧等清潔用品，令寵主同毛孩無憂慮地享受購物玩樂嘅樂趣。快啲約定身邊嘅寵物主人朋友，一齊嚟北角匯感受人寵共融嘅歡樂氣氛啦！
人寵甜蜜蜜市集
日期：2月14至16日及2月22至23日
地點：北角匯1期地下G08-G09舖（近犀牛犀牛店）
時間：中午12時至下午6時
戶外祈願櫻花園
日期：即日起至2月23日
地點：北角匯2期地下露天廣場
時間：早上10時至晚上10時
北角匯 查詢：2805 6605
