Cally - 新地十二大商場 新春銷情報喜增逾10% | 商界講呢啲
Cally
2025-02-14 02:00 HKT
字體大小
原來今個農曆新年共有140萬旅客訪港，當中內地客佔咗85%咁多，帶動本港商場人流。以東港城、上水廣場為首嘅新地十二大商場（東港城、上水廣場、北角匯、將軍澳中心、PopWalk天晉滙、Mikiki、屯門卓爾廣場、屯門錦薈坊、荃錦中心、新領域廣場、life@KCC及joy@KCC）早前喺新春期間就繼續推出咗多個主題推廣及年宵市集，又以醒獅巡遊及慶祝活動吸納人流，加上特別斥資500萬推出多項旅客禮遇，例如憑旅遊證件即派發商場電子贈券及禮品，以及推出針對一簽多行旅客嘅循環賞，多重策略下丁財兩旺！今日係情人節，商場仲加推多項推廣優惠，舉辦主題佈置、音樂表演、工作坊等等，吸引市民一齊留港慶祝，商場預計人流及生意額將錄得按年逾10%嘅增幅。
商場亦都會喺今個週末舉辦多個活動，其中上水廣場及PopWalk天晉滙將會呈獻主題活動「Pixar Sweet Dreams甜夢派對」甜蜜新春主題裝置，並推出甜蜜禮品換領。東港城一連兩個週末推出「花之浪漫樂章」，特別邀請人氣歌星舉行Busking，同時亦舉辦情侶速繪及多個工作坊。隨着港島東全新「東岸板道」開通，北角匯首次舉辦「人寵海濱嘉年華」，有甜蜜蜜市集及多個打卡位吸納寵物市場。將軍澳中心、Mikiki、屯門卓爾廣場及屯門錦薈坊亦都會有多個送禮活動。咁多福利，當然可以吸引顧客。商場仲話，展望2025年預計首季銷情可達雙位數字嘅增幅。
最Hit
香港機場清晨驚現百人長龍瘋搶1物！網民：以為check-in系統故障 各區均現誇張人龍
2025-02-21 13:15 HKT
前亞視主播移居加國三年力數多宗罪！為一事當眾激動爆喊：有自由無責任
2025-02-21 10:00 HKT
前TVB古裝女神聚會打包剩酒令人心酸 曾被選為全球十大女星 未婚產子毀星途
2025-02-20 13:00 HKT
更多文章
