KellyChu - 屏山鄧氏賀元宵筵開150席氣氛熱烈 | Executive日記
KellyChu
2025-02-14 02:00 HKT
字體大小
農曆新年，靈蛇獻瑞。屏山鄧氏族人喜氣洋洋，繼日前舉行咗逾80年後嘅首次添丁點燈儀式，本周三晚上喺鄧氏祠堂舉行盛大元宵晚會，筵開150席九大簋，鄧族村民和各界好友共聚一堂，Kelly獲邀參與其中，體驗到濃濃嘅本地鄉村文化氛圍。
這一晚上，上午還毛毛細雨，到晚上天公造美，鄧氏村民喺坑尾村鄧氏祠堂前地舉行「屏山鄧氏三圍六村乙巳年元宵晚會」，大排筵席，開咗150圍，場面盛大，宴請各界友好，共賀佳節。晚會上有各類表演，包括中年好聲音唱歌、變臉、猜燈謎等，氣氛熱烈。小妹有幸參與呢個特別嘅中國情人節宴會，真係超級開心，仲見到坑尾村名人鄧達智滿場飛，同好友合照留念。
九大簋係傳統嘅客家菜食制，坑尾村大廚嘅九大簋全港最有名，大家品嘗過都讚不絕口。 最好玩嘅地方，係元宵晚會由鄉親父老送出福袋，入面有零食、靚茶葉等，仲有由鄉親夾錢推出現金抽獎遊戲，把氣氛推上高潮。
KellyChu
坑尾村名人鄧達智出席晚會。
更多文章
