KellyChu - 旅發局邀南韓藝人晨跑太平山俯瞰維港 | Executive日記
KellyChu
2025-02-19 02:00 HKT
字體大小
今時今日去旅行有好多種唔同方式，小妹亦曾以挑戰富士山為目的去日本自由行，最近一批南韓年輕人就為咗跑步嚟到香港，佢哋去太平山晨跑，沿住海濱夜跑，又到龍脊越野跑，真係好熱血。參加者當中更包括南韓知名藝人、KOL、運動員及運動愛好者，透過佢哋第一身視覺，可以將香港戶外運動樂趣分享粉絲，宣傳香港旅遊魅力。
呢個針對南韓市場舉辦嘅活動「Hong Kong Outdoor Festival」，由旅發局與Klook、航空公司等業界夥伴聯手推出，於過去星期六及日圓滿舉行，吸引咗超過140名熱愛運動嘅南韓旅客來港，包括女演員林世美、南韓現代5項運動員兼亞運金牌得主全雄太，以及南韓知名健身YouTuber等多位名人。
參加者可於3條路線中自由選擇想挑戰嘅路線，其中第1條路線係到太平山晨跑，可以一邊俯瞰維港景致，一邊感受環山步道綠樹成蔭嘅靜謐之美；第2條路線移師中環海濱，參加者由南韓前田徑代表隊成員張豪埈、南韓馬拉松好手安垠泰等人帶領下，沿海濱夜跑，感受夜色之美。第3條路線則係越野跑，參加者喺專業教練帶領下，去到坐擁醉人景致嘅遠足徑石澳龍脊進行越野跑。
負責策劃活動嘅旅發局南韓總監金潤豪表示，首屆活動於去年成功舉辦，引證香港綠色旅遊及戶外運動，對南韓旅客嚟講有一定吸引力，佢哋年輕世代近年越趨重視健康，鍾愛戶外活動，旅發局將繼續結合健康運動及本地自然景點，進一步推廣香港戶外體驗。
KellyChu
第2條路線沿中環海濱夜跑，感受夜色之美。
最Hit
關德興契女入行半世紀受視后影響立志做甘草 超強背景無助演藝路：從來唔覺係優勢
2025-02-22 14:55 HKT
深水埗「靈堂風豪裝」單位引熱議！全屋鋪磚嚇窒網民 裝修風格背後有玄機......
2025-02-22 15:00 HKT
港人劍擊揚威海外 慈善賽或現新世一 參加保良局《KELO.CELL呈獻：慈善劍擊比賽》2025 下一個世一劍手可能就係你
2025-02-22 09:00 HKT
張曼玉舊愛「梁朝偉風」逛彌敦道 被捕獲反應令網民大腦空白 曾是楚原愛將近年老來得女
2025-02-22 18:00 HKT
深水埗潮汕牛火鍋放題 $298無限時任食吊龍/雪花 訂座免加一+送海鮮拼盤 長者額外8折！
2025-02-22 11:00 HKT
更多文章
