KellyChu - 《啟德體育園完整園區攻略》 昨隨《頭條》派送資訊全面 | Executive日記
KellyChu
2025-03-01 02:00 HKT
字體大小
本港歷來最大型體育基建——啟德體育園今日正式開幕使用，政府推出《啟德體育園完整園區攻略》，昨日隨本報喺全港多區派發，讓市民大眾能夠透過攻略快速掌握前往體育園嘅交通資訊，以及禁攜物品等注意事項。
啟德體育園位處九龍城、啟德、土瓜灣和九龍灣之間嘅地段，最方便快捷嘅前往方法係搭港鐵屯馬線，喺宋皇臺站落車，從D出口上到地面後直行數分鐘便能到達。
園區周邊亦有超過40條巴士路線可達港九新界不同地方，而舉辦大型活動期間，運輸署及巴士公司會按需要在宋皇臺道特別巴士/的士上落客區提供特別巴士服務，屆時可留意相關公布。
要留意舉辦大型活動時候，啟德主場館及啟德體藝館嘅的士上落客區或會停用，屆時的士可使用宋皇臺道上落客區；啟德主場館及啟德體藝館嘅私家車停車位亦會按需要暫停開放和不設上落客區。
如果去睇演場會或比賽，各主辦方會因應活動性質擬定禁攜物品，除咗非法物品及懷疑武器，一般亦包括塑膠、玻璃、金屬容器，外來食品和飲料，以及尺寸大過35厘米x20厘米x30厘米嘅手袋等等。大家若有機會去體驗呢個世界級體育園，記得出發前要了解清楚場地資訊及活動須知喇。
KellyChu
市民可透過攻略快速掌握來園資訊。
最Hit
更多文章
