KellyChu - 《警聲百二秒II》季度大結局 齊估重量級「一哥」贏獎品 | Executive日記
KellyChu
2025-03-01 02:00 HKT
字體大小
由警方推出嘅節目《警聲百二秒II》，為市民帶嚟警隊多樣冷知識，介紹內部多元化嘅職位工作，並打破一啲大眾對警隊固有印象嘅誤解。節目亦即將迎來季度大結局，警務處處長帶住主持人「伊人」勇破詐騙集團基地，仲有肉搏飛車槍戰，激戰連場。
不過大結局到底由邊位重量級嘉賓客串出演「一哥」？警方Facebook小編則同大家賣個關子：到底係扮演「一哥」入型入格嘅石修大哥？定係由警務處處長蕭澤頤本色出演？抑或另一位蕭先生，蕭正楠友情客串？
各位讀者希望係邊位出演「一哥」呢，只要喺警方Facebook帖文留言寫低你嘅答案，就有機會贏到提子透明長雨傘一把！答案將於今日中午12時正公布，得獎者亦會有專人聯絡領獎。
KellyChu
更多文章
