KellyChu - 冀培育公眾防騙意識 金鐘「提子公園」26組吸睛造型任打卡 | Executive日記
KellyChu
2025-03-17 02:00 HKT
字體大小
警務處喺毗鄰灣仔警察總部及港鐵金鐘站嘅夏慤花園，設置咗全新「提子公園」打卡點，園內展出26組不同造型嘅「提子藝術裝置展品」，希望藉着可愛嘅防騙吉祥物「提子」，培育公眾防騙意識、提醒市民提防騙子，並將訊息傳遞給更多市民。
警務處昨日喺金鐘夏慤花園舉行「港島總區提子防騙海陸空嘉年華」暨「提子公園」開幕禮，以提升市民大眾對各類詐騙案件嘅防騙意識。開幕禮由警務處行動處處長陳東主持，佢指出詐騙案已成為全球罪案一大趨勢，儘管去年騙案升幅有所收窄，但平均每10分鐘仍會發生一宗，受害人不分年齡、職業。除執法外，預防工作同樣重要，因此警方一直不遺餘力推出各類宣傳活動。
由即日起至2026年2月，夏慤花園嘅主通道旁、殘存海堤遺跡、座位區、2樓平台和往警察總部嘅通道，將展出26組不同造型且大小不一嘅「提子藝術裝置展品」。公園2樓平台亦設置咗最佳拍攝位置，供市民拍攝警察總部和「提子藝術裝置展品」同框畫面，增添打卡趣味與驚喜。
26組提子今次特別換上全新造型，有花花提子、蘑菇提子、咖啡杯提子，同埋超吸睛嘅手推車提子，全部提子都好可愛，好得人鍾意，大家經過夏慤花園時，又點可以錯過同佢哋合照呢！
KellyChu
警方希望藉着防騙吉祥物「提子」培育公眾防騙意識。
更多文章
