KellyChu - 天文台冷知識教學﹕這不是彩虹？ 「彩虹微笑」閃現大埔天空 | Executive日記
KellyChu
17小時前
字體大小
大埔早前出現「微笑彩虹」罕見奇景，香港天文台前日就喺Facebook專頁，以「『彩虹』的微笑」為題發文澄清「微笑彩虹」並非真正嘅彩虹，而係「環天頂弧」，表示佢通常會出現喺太陽上方，呈弧狀環繞天頂。
天文台喺帖文中，轉載咗一張網民攝於大埔嘅「微笑彩虹」靚景，指出呢個現象其實係叫「環天頂弧」，再睇真啲，喺照片左下角可見到一點光斑，其實係另一種大氣光學現象「幻日」，通常會喺太陽高度相若嘅左右兩邊出現。
天文台話，環天頂弧同幻日都屬於光學現象，同樣源於陽光經過平浮於卷雲內嘅六角形碟狀冰晶折射而成。當太陽喺天空角度較低嘅時候，就有機會見到佢哋同時出現。
有網民喺留言區上載相片和應，指「好多年前都好彩見過」。天文台亦趁機分享一段《氣象冷知識》短片，等大家認識更多大氣光學現象，該集短片以「甚麼？！這不是彩虹？日暈與幻日」為題，講解「日暈」和「幻日」嘅形成機制。
睇返天文台網站，原來幻日同太陽高度相若嘅原因係，幻日嘅形成需要陽光被水平面向六角形冰晶折射，而六角形冰晶物理性質﹙折射率﹚導致咗陽光通過六角形冰晶後嘅轉向，限制在一個不少於大約22度嘅「最小偏向角」，且光在22度附近聚集和出現，即是最集中及最強，因而形成光斑或亮點。
KellyChu
天文台指，其實佢係「環天頂弧」。
