KellyChu - Chiikawa金飾預訂破紀錄 周大福劇透陸續有來 | Executive日記
KellyChu
17小時前
字體大小
近排周大福珠寶聯乘日本卡通Chiikawa嘅新系列大受歡迎。周大福指，Chiikawa聯乘首賣嘅預訂數量，已打破集團過往合作IP紀錄！人氣程度認真犀利。周大福仲預告，為滿足顧客對時尚金飾需求，未來IP聯乘將陸續有來，敬請期待。
周大福表示，從簽定聯乘起，已細心了解廣大粉絲需求，務求以黃金工藝設計突顯Chiikawa嘅可愛；在籌備開賣時，亦特別於店內加設布景板供粉絲打卡。結果，5個城市嘅限定首賣店，首天清早已出現人龍，香港店原先供應給首星期嘅產品，首賣當天中午就已售罄。反應之好，亦讓佢哋看見年輕人對黃金飾品接受程度好高。
其實Chiikawa近年人氣急升，唔單止因為角色設計可愛，故事內容亦充滿溫暖同正能量，角色們會遇到日常小挫折，但總是用樂觀同努力嘅態度面對，容易令追求情感價值嘅年輕一代產生共鳴。
KellyChu
更多文章
