KellyChu - 麥當勞與香港人開心同行50年持續創新求變金鐘店新餐單登埸 | Executive日記

KellyChu

13小時前

內容

今年係香港麥當勞50周年，小妹昨晚出席佢哋嘅50周年晚宴，與各界朋友開心party，分享麥當勞為港人帶嚟嘅美味回憶。香港麥當勞行政總裁黎韋詩（Randy）上台致辭，強調麥當勞追求「創新求變」，成為香港最大嘅快餐連鎖店，市場調查亦顯示麥當勞係最受歡迎嘅快餐店。

　　晚宴出動麥當勞經典角色麥當勞叔叔、漢堡神偷、小飛飛同滑嘟嘟，不少來賓都爭相同佢哋合影，這些角色係不少港人童年回憶，見到佢哋就似見到兒時玩伴，非常高興。儘管世事變幻無常，喺香港擁有260間分店嘅麥當勞，一直都係同大家一起成長嘅好夥伴。

　　Randy喺晚宴發言，指團隊追求「創新求變」，在全世界業務最繁忙嘅麥當勞中，香港佔4間；麥當勞又首創屏幕點餐，配合新一代生活模式；早年香港興起韓式炸雞，遂推出麥炸雞，至今已售出3000萬件；顧客唔like咖啡，麥當勞便搜羅新豆，結果被選為最佳咖啡，真係好叻，Kelly畀個like！

　　Randy又介紹，全新金鐘店已經與大家見面，仲有全新餐單，若美食受歡迎，會推廣至其他分店。

　　新美食仍陸續登場，就好似今日起麥當勞將再度呈獻「McCrispy脆爆雞腿包」，以及另一款人氣美食「韓式甜辣麥炸雞」，兩個套餐都會以限時價$39供應，用優惠價就可品嘗令人垂涎三尺嘅韓式美味。

KellyChu