【大嶼山羌山道至大澳行山篇】觀音山、羌山、龍仔悟園
1月22日 (星期六) 17~20度 天陰/有雨🌧大霧🌫
香港有3個觀音山，分別喺嘉道理農場(海拔546米)，屯門(海拔280米)及今日要行嘅大嶼山觀音山(海拔434米)，起步為海拔260米，所以上爬不會太辛苦，景觀亦不錯(上網睇過資料😅)...只不過...今日落足全程雨，又大霧...靚景變咗仙"景"🤣🙈回程剛巧有船去東涌，咪坐下囉，成日坐巴士都幾悶，船程要45分鐘($21.6)坐船可以近距離遊覽港珠澳大橋，彷如觀光船，再配合日落，一定美極🥰👍
1️⃣起點至觀音山1公里2️⃣觀音山至羌山1.5公里3️⃣羌山至龍仔悟園2.2公里4️⃣龍仔悟園至大澳2.8公里。
❇富裕小輪(屯門↔️東涌↔️沙螺灣↔️大澳)❇大澳至東涌航線景點：大澳海濱長廊➡️文物酒店➡️虎山➡️港珠澳大橋➡️飛機維修區➡️沙螺灣碼頭➡️東涌灣纜車➡️東涌發展碼頭。
路線 : 大嶼山深屈道/羌山道(位置約海拔260米) ➡️ 鳳凰徑5段 ➡ 觀音山 (海拔434米) ➡ 羌山 (海拔459米) ➡ 羌山郊遊徑 ➡ 龍仔悟園 ➡ 鳳凰徑6段 ➡ 大澳海濱長廊 ➡ 巴士站 完 (約7.5公里/慢行3小時50分連影相小休)
🚘於東涌巴士總站，乘11號大嶼山巴士 ➡ 深屈道站落車 (約35分鐘車程)
👇10：05起步🚶♀️🚶♀️🚶♀️落車後，往後行70米並留意右邊鳳凰徑入口標示牌
👇鳳凰徑5段入口
👇穿過涼亭後梯級上走
👇密密雨🌧🤷♀️地下濕滑要小心慢行
👇萬丈布方向走
👇你以為我哋傻，落雨都行山，估唔到今日有好多傻人🤣🤣可能大家都心存希望.....(出太陽🌞)
👇過咗介紹牌，走前小小會到分岔口
👇先左邊上走往觀音山(約3分鐘路程)，需原路返回分岔口左邊往羌山
👇10：40到觀音山(海拔434米)原本360度景觀，而家係零景觀🙈🙄😖
👇原路返回分岔口，左邊走
👇乜風景都無，只有努力🚶♀️🚶♀️🚶♀️
👇梯級約有15分鐘路程
👇蝙蝠俠🤣🤣🤣
👇上羌山頭
👇超人要飛喇🤣
👇大大嚿石級
👇經過平台位置，可能係一個打卡位置，但而家乜都睇唔到😅唯有繼續走🚶♀️🚶♀️🚶♀️
👇有人露營👍
👇到啦到啦，右邊就係標高柱…雨亦剛好停咗，可以小休一回👏👏
👇11：35到羌山(海拔459米)
👇小休後繼續.....
👇霧中作樂😅🥰
👇大澳道方向走(亦是羌山郊遊徑)
👇霧散咗啲
👇影完呢張相，霧又再起😅🙈
👇接上石屎路後右邊走
👇大澳道方向走
👇走右邊那條經龍仔悟園往大澳
👇白千層樹👍
👇之後沿路不乏白千層樹足跡，有些樹根仲延至路徑上
👇右邊是龍仔悟園正門入口，現在已封，左邊前走會有個位影到龍仔悟園園景的。
👇這個位置走入，可以影到龍仔悟園
👇又開始落雨了😖仲有45分鐘路程到大澳
👇留意是往大澳方向(=鳳凰徑6段)，不是大澳道，所以走小徑就對了
👇2分鐘後經過凌風石澗
👇地下的白千層樹根
👇過咗涼亭後路段有點斜，加上地下濕滑，要小心慢行💪
👇左邊樹上有絲帶標記，帶上口罩入村，鳳凰徑6段亦走完了。
👇路口左轉往巴士站/大澳市....
👇路口見遊樂場，轉左經海濱長廊去巴士站，或右邊路徑直接往巴士站
👇咦…有船喎(之前有次想坐都唔成功，因為乘客量少，所以班次唔穩定)呢班船經沙螺灣終點係東涌(不去屯門的)星期六下晝有5班船:14:00/15:00/16:00/17:00/18:00
第一個景點當然係海濱長廊，行咗咁多次，第一次從另一角度睇感覺不一樣🥰
👇大澳文物酒店
👇港珠澳大橋，可以想像到晴天會更美
👇飛機維修區
👇沙螺灣碼頭上客
👇纜車
👇東涌灣纜車
👇終點東涌發展碼頭，落船後行去港鐵站約10分鐘路程。
