小三出沒注意
嘉嘉，正職旅行嘉，副業打工仔。
2022-02-22 06:04
字體大小
嘉玲與玫瑰去蘭桂坊喫了一個開心的下午茶，臨走就當然要去一趟洗手間，雖然女性去洗手間必然長時間！不過，今次玫瑰似乎去的時間比正常長！正擔心她是否出了狀況，就見她從餐廳的樓上滿面慌張、連走帶跳的跑下來。
「埋咗單未？你埋喇，我喺門口等你！」
無端端掉下這麼一句，玫瑰就飛也似的離開了餐廳！埋單後，嘉玲見到玫瑰在餐廳門口，基本上是瑟縮在餐廳門外旁邊的一角，並不時鬼鬼祟祟的望入餐廳，狀甚緊張！
「捉賊？」
「我正話差尐捉奸！」
「你見到你老公… …」
「我見到詠嫻個老公同一個美少女一齊呀！」
「會唔會係佢哋個女呀？」
「邊有老豆同個女一路傾偈一路攬住個女條腰，仲越攬越埋呀！而且佢個女都唔喺香港！」
「你有冇睇錯㗎！」
「我影咗相呀！」
「你仲影相，俾佢老公見到咪好尷尬！」
「有圖有真相！」
「咁話唔話俾詠嫻知？
這真是一條一百萬元的問題！因為有幾個可能性！或者她並不知道，於是可以繼續幸福快樂地繼續做闊太，而他的丈夫知自己做錯事，良心過唔去，會對太太更好！
或者她知道，但為了維護一家人的關係，為了照顧子女的情緒，只好啞忍，希望忍下忍下就會過去，一家人可以繼續齊齊整整！
更可能是，她知道，正不知如何處理！
所以一家唔知一家事，別以為好英勇的揭發事件就是在幫人，其實，問心，在揭發事件的同時，有幾分是正義，又有幾分是八卦！
最Hit
