煲劇煲出一段情來
嘉嘉，正職旅行嘉，副業打工仔。
2022-03-08 08:15
字體大小
阿Ming同阿明，相識了不少於15年，上個星期，忽然在WhatsApp group宣布二人剛開始了一段關係，即是說「佢哋兩個行埋咗！」
大家見到這段消息，立即開了一個沒有他們兩個的group，紛紛討論！
後來不知什麼原因，阿Ming發現了這個群組，硬是要進組。得了進組的便宜，當然也要貢獻一些私隱，而大家亦只問了一個問題：件事如何發生！她的答案很簡單，「原來有個人陪住一齊睇韓劇，你一句我一句咁係咁過癮嘅。」
當然阿明一早對阿Ming有意，但一直不敢捅破那層窗紗，擔心連朋友都「冇得做」。疫情關係，大家沒約出去食飯，大家沒約出去睇戲，大家沒有了工餘活動，剛巧有一天阿Ming家裏的水喉壞了，就邀請阿明幫手修理，別以為阿Ming是主動出擊，這其實是進行了十多年的活動，守望相助而已！
修理好水喉之後亞明留低食飯，食完飯就開套劇一齊睇，睇吓睇吓大家就睇出一個興趣來。
但仍然什麼事都沒有發生。第二天，阿明同阿Ming說想睇埋下集，於是阿明負責買飯盒，上去阿Ming屋企繼續煲劇，終於煲到第四日，就滾咗啦，唔係個劇，係佢哋嘅感情！
人同人之間嘅相遇，其實好簡單，老土到不得了的韓劇劇情，卻把二人拉在一起！所以說，對的人、對的時刻、對的感情，就對了。
