【西貢西灣路至北潭凹行山篇 】田尾山、大枕蓋、牛湖墩
4月1日 (星期五) 16~22度 有雨/大霧/清涼🌧🌫🌬💦
連續三次行山都大霧，唔通連個天都唔鐘意我...哋🤦♀️今次仲落埋雨添，雨唔算太大但有點密，而路徑兩旁雜草樹枝上的雨水將我哋變成濕水🐔，幾乎5個鐘都係濕住身行，所以有點狼狽難受🤦♀️🙄😓
每年2~3月吊鐘花花期大枕蓋最熱鬧，好多地方都有吊鐘花出沒，但聽說大枕蓋是最多最大片的，除了吊鐘花，景觀也是無敵的，有山有海😅由鹿湖郊遊徑上山會比由萬宜坳上路程長1公里，但會走得輕鬆點1️⃣起點至大枕蓋約2.6公里2️⃣大枕蓋至牛湖墩約2.8公里3️⃣牛湖墩至北潭凹約1.1公里。
路線：西貢西灣路 (鹿湖郊遊徑出入口)➡️ 田尾山 (海拔366米) ➡️ 大枕蓋 (海拔408米) ➡️ 牛湖墩 (海拔263米) ➡️ 北潭凹 完 (約6.5公里/慢行5小時連影相小休)
🚘西貢的士站乘的士 ➡️ 鹿湖郊遊徑路口落車(約25分鐘車程/$101車費) 或 乘29R定時村巴前往，總站為西灣亭
👇10：00起步🚶♀️🚶♀️落車就是起步點(亦是鹿湖郊遊徑出入口)，而家位置約海拔150米
👇入到嚟，雨反而比市區更大更密😓
👇起步就係梯級，不過唔駛驚，好短的😅
👇上完梯級隨即左邊走入山徑(直去是鹿湖郊遊徑)，之後全部都係山徑
👇心諗場雨好快會停嘅，不過今次落足兩個鐘，時大時細，最狼狽係走過狹窄路徑時，草叢上的雨水落到身上，所以係由頭濕到落腳😭
👇行咗半個鐘已經變濕水🐔🤦♀️🙄
👇條路唔難行，但天雨路滑，必須小心慢行，沿路有絲帶，路徑亦算清晰易見
👇濕到滴水🙄🤦♀️
👇擰得出水，不過擰完都無用，一陣行又會濕哂.....
👇行咗1小時30分到田尾山(海拔366米)，田尾山無標柱，所以無影相紀錄。由田尾山行450米會有個十字分岔口，直上就可以了
👇10分鐘後分岔口左邊走
👇100米後分岔口，右邊走，隱約見到大枕蓋標高柱😅
👇12：17到大枕蓋(海拔408米)360度景觀，當然今日乜都睇唔到啦，呢個時候雨也停了👏
👇襯霧散咗啲，趕快影張"海景"相先🥰呢邊落去是萬宜坳，行咗2個幾鐘喺大枕蓋先遇到位後生仔😅佢一個人行，由萬宜坳上嚟。
👇由剛才上大枕蓋的路下走，約180米留意分岔口，走左邊那條路往牛湖墩
👇剛才已經除哂衫褲擰乾哂水了🙈呢段路咁寬闊，有時間俾啲衫褲乾透啦😍
👇20分鐘後接上鹿湖郊遊徑隨即走到對面入山徑
👇見到條路就知.....又要濕身了😴
👇2~3分鐘後右邊走
👇15分鐘後到十字分岔口，直走
👇紅圈位置是牛湖墩，仲有好遠路程😅
👇又15分鐘後😅見舊郊遊徑木牌左邊走(右邊遠處是蚺蛇尖)
👇赤徑海/碼頭
👇臨尾總算有啲景觀望下😅🥳
👇去牛湖墩仲有35分鐘路程，要先跨過一座山
👇10分鐘後到分岔口，右邊走
👇跨過這座山
👇山頂是個平台，景觀是另一角度的赤徑海/碼頭/蚺蛇尖
👇繼續往牛湖墩方向走(約15分鐘路程)
👇14：20到牛湖墩(海拔263米)，又要擰乾衫褲襪啲水，希望一陣條路唔駛再濕身啦，醃咗幾個鐘實在有點難受了，加上天氣又涼涼地😔🙄
👇所有景點行完了，最後下走往北潭凹(北潭路)離開
👇呢段路終於唔駛濕身啦，到北潭凹約1.1公里
👇行行下有嚿大石，又影下先😅
👇穿出去就係北潭凹營地
👇右邊落梯級
👇呢張相同今朝起步果張前後呼應😅🤣
👇接上麥理浩徑2段左轉往北潭凹離開
👇往巴士站乘車離開
