【母親節】三大慶祝提案：同阿媽假裝去泰國、增長廚藝、送減壓好禮
母親節就快到，計劃好未？話就話陪伴就係最佳禮物，日日都可以係母親節。但阿媽都係女人，對於紀念日、生日、節日等等特別敏感。其實母親大人開心，自己都開心。以下三款母親節慶祝提案，能夠表達你滿瀉的孝心之餘，同時亦可自肥！
1. 假裝泰國度假做spa
好想去泰國按摩歎spa呀！雖然泰國現時入境免隔離，但回港仍須隔足七日。好彩在香港假裝去曼谷不難，而位於金鐘的JW萬豪酒店更推出母親節度假住宿體驗，每房每晚$2,080起，包豪華客房住宿一晚、兩位咖啡室自助早餐外，還贈送價值$1,000的100分鐘香薰按摩服務(僅限女士)，以及價值$1,480的90分鐘Proteoglicanos Hydrating Ultimate Facial Care服務，完全回本抵返晒。於5月內的星期五至日入住，更可獲贈愛心朱古力一盒。唔使買機票，就等如請阿媽去度假，兩母女仲可以join埋一齊，spa俾晒媽咪歎，自己喺房敷mask都爽，無得輸！
查詢：2810 8366/香港JW萬豪油店
2.升級母親大人廚藝
母親大人就是家中御廚，無論在外食過多少名廚佳餚，媽咪愛心飯才是最美味的omakase。每晚安排煮乜餸，其實很費神。這個五月，可以和她一起上烹飪班，齊齊解鎖成就，同時加厚家中私房菜譜。Steak King在在五月推出多款烹飪班，包括威靈頓牛柳、乾式遜成牛肉漢堡和無添加香腸製作班。課程由曾與廚神Gordon Ramsey工作四年的行政總廚Brandon親自教授，每位$950更包無限暢飲啤酒葡萄酒，完成烹飪後更可享用晚餐，與同學和Brandon分享心得。單是課程體驗，已可留下深刻溫馨回憶！
查詢：9095 1817/Steak King
3.贈送英國名牌芳療禮物
請母親大人食餐好之外，有埋禮物就perfect！Hue位於香港藝術館1樓，靚景靚裝，富高格調藝術氣息。今個母親節5月8日正日，Hue推出三道菜午市套餐和四道菜晚市套菜，每位收費分別為$780和$950。推介歎晚市，因為晚市套餐包括西班牙紅蝦配魚子醬和伊比利亞豬肉配菠蘿等餐廳招牌菜外，每位媽媽更可免費獲贈英國芳療品牌Aromatherapy Associates體驗套裝乙份，當中有2枝9毫升De-Stress Muscle沐浴油，價值$260。回到家，兩母女可以齊齊用！
查詢：3500 5888/Hue
