行山｜黃竹角咀至烏蛟騰｜鬼手、煙肉岩、紅石門灣、迷椏走廊、苗三古道
11月26日 (星期六) 22~25度 天陰/毛毛雨☁️🌧
終於可以挑戰鬼手路線14公里😅如果全走烏蛟騰↔️鬼手↔️大美督要32公里左右，肯定搞唔掂🙈所以坐快艇到黃竹角咀鬼手先起步😂🥳今日路線重點景點是紅石門灣及鬼手，離開鬼手往綑邊約200米後上山，上山路段約200米需手腳並用，之後上上落落走過幾個山頭，山與山之間高低起伏不大，亦會草叢中穿梭，過了鳳凰笏頂後往紅石門灣，此段路是最難的，草叢密茂，加上雨後路徑非常濕滑，步步為營🥶紅石門灣後走迷椏走廊出苗三古道，迷椏走廊路徑狹窄，需穿梭草叢，路徑上上落落，經過多條小溪澗，因路徑濕滑，要非常小心慢行，天黑前接上苗三古道😵💫再出烏蛟騰。
1️⃣鬼手至紅石門灣6.5公里2️⃣紅石門灣至苗三古道接口4.2公里3️⃣苗三古道至烏蛟騰小巴站3.3公里
參考今日潮汐漲退時間及水位：~
09：00/0.87米，10：00/1.09米，11：00/1.31米
路線：黃竹角咀( 鬼手/煙肉岩) ➡️ 黃竹角墩台 ➡️ 大嶺 (海拔152米) ➡️ 白角山(海拔205米) ➡️ 鳳凰尾 (海拔136米) ➡️ 鳳凰笏頂 (海拔212米) ➡️ 紅石門灣 ➡️ 迷椏走廊 ➡️ 苗三古道(下苗田/上苗田) ➡️ 九担租 ➡️ 烏蛟騰 完 (14公里/慢行8小時45分連影相小休👉包括鬼手綑邊段影相60分鐘😅)
🚘黃石碼頭坐快艇🚤至黃竹角咀落船(約15分鐘船程)(每艇每程$600/10人以下)
👇“凳”到差啲連早餐都吐出嚟🤣🙈
👇9：25到黃竹角咀鬼手...我哋係第一批到達...無人喎...正呀！天陰陰應該無乜人嚟啦(我估😜)...點知15分鐘後第二隻🚤到...之後一架🚤又一架🚤埋岸...點解咁多人㗎😭😭😭
👇水退1米以下，可以近距離同鬼手影相
👇煙肉岩
👇越來越多人😅閃啦同埋要趕路，天黑前要完成路線💪💪💪10：00起步，綑邊約200米至上山路口
👇行咗幾步，又話啲石好靚喎，要影相😅
👇這塊大石前綑過去
👇我哋爬錯了，又落噃去😅都怪嚿石太靚了，吸引我哋爬呀爬🤣
👇留意右邊的上山路口，有絲帶標記的
👇烏龜石😅
👇掛住望地下，無留意上山口，又走過籠🤣咁搞法天黑前都唔知完唔完成到路線🙄
👇上山啦🥳🥳🥳條路好跣，又直，好睬短路程，15分鐘左右去到緩衝位稍作休息.....咁快要休息🤔....因為肚餓呀🙈今朝早出門😜
👇朋友煲咗燕窩糖水😋😋😋
👇之後要走過5個山頭及大部份時間與草叢為伴😅🙈落緊毛毛雨，又要濕身喇🙈🙈
👇11：30到黃竹角墩臺
👇路徑右手邊見到往灣洲及峨嵋洲，左手邊是西貢區
👇而家先發覺已經過咗第一座山大嶺(海拔152米)😅今日成日都走過籠咁嘅🙈大嶺有標高柱的，在左邊草叢埋後
👇有時路徑又好好行🥰
👇跟住又草叢😅
👇走過的山頭
👇紅土
👇赤門海峽水警檢查站
👇走過最後鳳凰笏頂後，進入草叢路徑走約500米，留意左邊的橙紅色絲帶，右手邊有路徑往紅石門路徑，最好開啟行山apps跟隨，因路口不明顯及路徑雜亂
👇而家位置應該是烏洲塘溪附近，非常濕滑，步步為營💪💪想快都唔得😅🙈大概仲有35分鐘路程到紅石門灣
👇烏洲
👇終於見到紅石門灣了🥰🥳
👇15：22到紅石門灣，而家先完成6.5公里🥶天黑前要出到苗三古道先安全，呢段路有4.2公里(要2個鐘內完成💪💪💪)後來我先知，紅石門灣都可以約快艇的😅
👇千辛萬苦先嚟到，點都要打咗卡先再趕路囉🤣🤣🤣
👇走過堤壩
👇經過紅石門村內湖
👇到分岔口，右邊走，接上的是迷椏走廊
👇落咗去跟住又要上山😅好睬山唔高😅
👇17：52終於安全入黑前接上苗三古道，一出嚟就遇到位後生仔，佢問“你哋無電燈呀？”等我照你哋啦，唔好用手機啦，留噃啲電.....佢一值陪我哋行到出烏蛟騰小巴站，好感動！謝謝你🥰
💓💓💓🙇♀️謝謝支持及點讚🙇♀️💓💓💓
更多行山路線：
