黎明演唱會｜著《原振俠》皮褸煙火中登場 分享打疫苗經驗爆金句：抽筋代表有抗體
發佈時間：08:00 2022-12-18
《Drive In Ultra: LOVFINITY Vivienne Tam x Leon Lai Fashion Concert》昨晚在中環海濱活動空間舉行，雖然天氣寒冷，但仍吸引林淑敏、林夏薇與老公、姚焯菲及詹天文等一眾《聲夢》歌手前來捧場。
演唱會以fashion show形式開始，亦有DJ界女神樂宜在台上打碟，而身為嘉賓之一的王丹妮獻唱完Lady gaga的《Born This Way》後，主角黎明（Leon）於晚上8點47分現身，身穿黑皮褸的他唱出《那有一天不想你》及《眼睛想旅行》，而Leon獻唱期間更有煙火效果襯托。Leon表示第一次在紐約看Vivienne的時裝騷，並指對方是從香港衝出國際的著名時裝設計師，而自己亦是由拍劇慢慢走到唱歌，而他笑指身上的黑皮褸是在90年代購買， 拍《原振俠》時穿過，現時衫鈕也變黑，只能用擦膠擦乾淨：「今日搵返佢嘅歷史價值，記得拍嗰陣時冇着呢件衫唱過。」Leon隨即唱出該劇主題曲《願你今夜別離去》、《我這樣愛你》、《越夜越有機》及《夏日傾情》等歌曲後，Leon說：「相信疫情都差唔多捱過咗，生活喺呢個地方其實好幸福，因為有好好嘅醫療。」
【點擊睇黎明台上表演】：
而他又問現場觀眾有多少人曾經中招，並分享自己打疫苗的經歷：「我好神奇，第一次打左手，右手手指尾抽筋，第二次打右手，左手手指尾抽筋，第三次都係打右手，左手手指尾抽筋。」Leon指打完第三針後，因7月時有同事中招故去驗抗體，當時的數值是4萬，兩個月後又有同事中招，再驗時只有3萬8千，當時手部仍然抽筋，到10月打第四針後亦抽筋，並笑說：「我發現原來抽筋即係代表我有抗體，中又好，唔中又好，總之大家健健康康就good luck！」Leon其後又指因之後見不到歌迷，所以先祝大家聖誕快樂，他說：「2023年就嚟，我唔祝福大家，希望大家嘅願望中七成，咁就已經好好，新一年希望大家做自己可以勝任嘅工作，農曆年都見唔到大家，順便講埋恭喜發財！」而Leon唱出《Sugar in the Mamalade》後便為今次演唱會畫上句號。
【其他文章】：
62歲李子雄近況髮量激增勁花俏 娶小20歲嬌妻老來得子有混血兒靚樣
TVB 5位鑽石王老五！ 大王安德尊有元朗地王之稱 有位港男歷情傷變「炮王」
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
