疑性騷擾案再有受害者！東張女神梁敏巧險中招 袁姓港姐影半裸相被攬腰
發佈時間：21:00 2023-02-17
《東張西望》今晚（17日）繼續跟進一宗私影名師疑性騷擾私影模特兒事件，這名攝影師「G先生」昨日因涉嫌非禮及非法拍攝或觀察私密部位被捕，案件交由東區警區重案組跟進。今日再有新進展，今集找來曾經在2015年開始與「G先生」合作的林先生，大爆對方獨特的攝影做法，受害人不單止有女模特兒，還有一位袁姓港姐遭殃。
【相關文章】：
東張西望丨私影名師疑借免費餐約女模 性騷擾要求「真空」張開腿情節AV
【點擊睇節目內容】：
當時林先生籌備一本生活雜誌，因而在網上認識「G先生」，兩人在合作期間，林先生發現對方有一些很獨特的做法：「佢好得意，每一次我叫佢報價畀我，佢就問我有冇靚女模特兒先，佢仲好強調一定要『靚女』模特兒，我就話唔知『靚女』嘅定義，咁我就send咗啲模特兒卡畀佢睇，佢要揀，要由佢主導去揀，佢自己私底下同啲模特兒拎咗聯絡，就會叫模特兒另外搵一日上去佢嘅studio度影，仲有建議啲模特兒不除衫畀佢影，幫佢影一輯裸照，影得好啲，咪可以做一個collection。」他續說：「之後有個鬼模特兒，係佢啲朋友嘅男性朋友當中，收到呢啲相，就覺得呢個攝影師有問題。」
問題事件越揭越多，林先生仲爆咗另一個驚人事件：「之前佢都摸過某啲女明星，影相嗰陣摸過人哋個胸，有一個女明星，係港姐，有一次換衫嗰陣，佢就唔覺意觸碰到嗰個女明星嘅胸部，托一托。另一個比較出名啲模特兒，都有上門去過佢嘅studio度影半裸相，但係之後好激氣，喺啲朋友群組入面講，受到佢嘅性騷擾，坐喺佢嘅studio嗰度下底影，嗰陣係坐喺度喇，叫個女明星雙手護住個胸，蹺住隻手，但係攝影師唔知點解走到佢後面，就攬住佢條腰。」林先生跟住仲話：「唔知點解佢見到啲女明星會越企越埋，袁小姐就走嚟同我講：『呢個係你個FD嚟架？你可唔可以叫佢行開啲？越企越埋咁樣』，連袁小姐都出聲。」
【點擊睇私影名師疑性騷擾案前情提要】：
「東張女神」Maggie（梁敏巧）都試過在社交網叫收到「G先生」的訊息：「佢係喺舊6月，喺IG度搵我，我唔知點解佢會搵我，可能我喺IG度有同唔同嘅攝影師有合作影相，可能因為咁佢先嚟搵我。佢搵我嘅時候，話係想影啲時尚美容嘅相，係for佢一啲profile，不過因為夾唔到時間，所以最後係冇影到。」Maggie話報道出街後，亦有些相熟的攝影師聯絡她：「佢哋同我講番呢個攝影師嘅相關經歷，聽完之後，好慶幸嗰陣冇答應去影。」
後來林先生更稱「G先生」之前亦試過因為涉嫌非禮而被捕：「佢有一次漏夜打畀我，問我可唔可以保釋佢，我咪問佢嘢事，佢就話有人見到佢摸另一個人嘅女人嘅pat pat，所以咪畀人拉咗。佢喺行內都拎過好多攝影大獎，呢樣真，咁佢影相都有一手，但係唔代表可以非禮人哋。」
【其他文章】：
前亞姐筱靖結婚金器掛滿全身！巨型流星錘龍鳳鈪最誇張 出身飲食世家嫁商人門當戶對
E cup女星直播沖涼性感指數爆燈 數度跌浴巾險走光直認好怕醜
81年港姐狄寶娜摩亞「登六」冇走樣 同賈思樂情侶變知己 移民溫哥華過闊太生活
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
