首位香港AV女優素海霖《戀講嘢》自爆被出軌曾被家暴刀劈縫9針先分手

即時娛樂

更新時間：20:30 2023-03-15
發佈時間：20:30 2023-03-15

現時25歲的Erena素海霖宣布闖進日本AV界成為香港熱話，網民除了立即對其IG的性感相之外，亦發現她曾經參演過電影《#PTGF出租女友》，更到ViuTV節目《戀講嘢》以「偷食專家」的身份分享經歷。

在《晚吹：戀講嘢》節目中，素海霖透露在蘭桂坊結識到當時男友，未正式拍拖前，男友找她去夜總會唱K，同行有其他男性外，更找了女陪酒：「我覺得好委屈，跟住走咗。」後來因為對方夠「厚面皮」而交往：「佢厚面皮係咁搵我，我受唔到呢套。」

【點擊睇素海霖拍如何分享「偷食」經驗】

素海霖以偷食報復偷食一年間偷食四至六次

193問到兩人第一次就去夜總會，之後會否怕對方偷食，素海霖直言：「如果佢願意呃我，我覺得偷食唔係最大問題，但佢要講（大話）得好啲，即使偷食都要聽電話、覆訊息。」而對方每次都會自圓其說，令素海霖心軟繼續交往，而且她指兩人性愛方面非常合拍。

兩人交往兩年，同居一年半，對方一直出軌，更是至少每週一次，後來又因對方開始「呃得唔好」而分手：「佢直接閂電話，8點機收工就閂電話，唔覆訊息。」193聽到後直說：「素海霖要嘅好簡單，作個故仔呃佢就好。」素海霖即刻表示：「係啊！我就係要咁之嘛。」素海霖認為對方要偷食就要付出：「要不停應我。」後來兩人不時鬧交，193笑問：「做場愛，就會好返？」Erena直言：「做愛之外，佢都會加啲嘢，例如我未有銀行密碼，佢之後會畀咗我。」後來有一次，她更發現男友偷食開房證據：「好貴，仲要5000蚊。我梗係嬲，我都冇住過！」

後來為報復對方，素海霖亦去偷食，一年間約偷食四至六次，不過對方卻毫無發發：「所以我好嬲！所以我話佢知，唔係即刻講，係之後鬧交嗰陣講。佢一開頭都唔信，拎返出嚟畀佢睇（通話記錄），我個心好唔忿氣。」之後素海霖更因此被家暴，不過兩人繼續交往，陷入家暴、開房、偷食的輪迴，最後男友動刀而正式分手：「有一日佢𠝹咗我一刀，有一次佢以為我去偷食，其實我冇，佢拎住把刀，我話：『我有我一定認』，但佢都係唔信，之後唔小心割到，成手血，鏠咗9針。」