首位香港AV女優素海霖拋胸數臭渣男最Cheap行為網民激讚聲甜似陳瀅

更新時間：12:30 2023-03-16
發佈時間：12:30 2023-03-16

曾參演電影《#PTGF出租女友》的25歲素海霖（Erena），近日宣布進軍日本AV界成為香港熱話，有網民隨即翻摷出她兩年前接受港台DJ艾力的YouTube頻道節目《約會素人》訪問片段，發現素海霖當年的言行已經好大膽出位，獲不少網民大讚性格夠真，而且把聲似足「宅男女神」陳瀅般好聽。

【點擊睇素海霖訪問性感相】：

該集主題為「約砲唔請食飯真係好人渣」，訪問一開始，素海霖便被艾力問到「賤男」的定義？她直指是曾爆出多人運動事件的「時間管理大師」羅志祥：「做人千祈唔好太羅志祥，如果唔係就會有代價！而最渣係完全冇同個女仔食飯，每次都係喺租Studio去發生性行為，咁我覺得呢個人幾Cheap。」自認個性我行我素的素海霖，講到看過一則已婚男僱主搭上菲傭的新聞，坦言令她不再相信婚姻：「我唔會結婚囉，唔好話請唔請菲傭，老實講，男女都回偷食，但……總之我唔信男人囉，講完。」

節目中，首次去赤柱的素海霖跟住艾力周圍逛，其間經過一間服裝店，當她拎起一件日本和服看時，艾力指和服很適合她拍照，豈料直率的素海霖即附和：「係呀，好淫賤！哈哈！仲要拎住把扇，一邊斜落嚟（露肩）嗰啲……總之任何有關日本嘅嘢，香港男仔女仔都聯想到AV係好正常。」素海霖又覺得港男不錯，自己也不是「崇洋派」：「我唔鍾意外國人，之前上網睇過一條片，啲外國人覺得亞洲女仔好容易上（牀），所以我覺得（佢哋）好唔尊重香港女仔。」並認為揀對象一定要溝通到，當時她透露正學習日文，故不排除將來找個日本男友。