43歲前港姐冠軍風生水起 新屋床位大過以前成個單位 丈夫絕跡社交網3年婚姻現暗湧？
發佈時間：09:00 2025-04-12 HKT
現年43歲、2005年港姐冠軍葉翠翠，與年長6歲的建築師周曉東（Raymond）結婚9年，二人育有三子。葉翠翠最近接受資深傳媒人汪曼玲訪問，公開近年慘痛經歷，當中包括兩度患上抑鬱症，甚至興起輕生念頭於鬼門關徘徊，而細仔和丈夫亦曾患上大病。有傳媒翻查葉翠翠社交網，指她丈夫已3年沒有出現在太太的社交媒體中，思疑二人婚姻關係有變。葉翠翠再接受汪曼玲訪問，她大爆當上KOL後事業起飛，已經完全財務自由，而且更指現時瞓的床，比以前所住的單位為大！而老公對說的一句說話，亦可反映出她跟丈夫的關係。
葉翠翠生完BB即投入工作
葉翠翠於2017年提早跟TVB解約後，便轉投KOL事業，有傳其月入高峰期賺七位數。葉翠翠向汪曼玲表示，她的成功是時勢造英雄，剛巧食正帶貨潮流興起，而她個性亦十分勤力，事事親力親為，除了親身和客戶開會外，更勤力得剛生完BB收到客戶電話，就已經立即投入工作，故此慢慢累積了商譽，打好搵大錢的基礎。
相關閱讀：港姐冠軍葉翠翠兩度患抑鬱症曾想自殺 細仔病危須即做手術插到周身喉 丈夫大病徘徊鬼門關
葉翠翠生完BB即湊客：
葉翠翠的床位比以前單位更大
葉翠翠被問到是否已財務自由，並且對自己的成績覺得驕傲時，葉翠翠表示：「我係會驕傲。我記得當時我買咗屋，好記得第一、二晚搬入去瞓喺床上，係覺得好感觸，因為即使嗰張只係一米八乘兩米嘅床褥，就已經大過二十年前住嗰個單位！從我20歲開始就住嗰啲套房，我用咗廿年行到嚟呢度，人生總算冇白過。」葉翠翠表示現時直播市場已放緩，她為了照顧家庭，亦沒有時間拍短頻全力進軍內地市場，故此改為推出自家品牌，售賣女性產品，亦取得理想營業額。
丈夫疼錫葉翠翠
另外，葉翠翠亦於訪問中提及丈夫。因為事業越做越好，老公曾向她說過一句說話，她甜絲絲地表示：「我先生曾經話過我，你收支同你收入係不平衡呀，你聽到咁，通常都係話大使啦，其實佢係話，你賺咁多錢，使唔使咁慳呀？」葉翠翠憶起周曉東的說話流露出愉快的表情，而周曉東「唔抵得」老婆慳家成性、希望她多消費、更好地對自己的態度，相信亦可反映二人之間的關係。
相關閱讀：43歲港姐冠軍舊愛出家傳壞消息 家中孩子離世見證人生無常
葉翠翠3千呎獨立屋內貌：
