十大中文金曲2023丨港姐謝嘉怡白色馬甲裝艷壓全場李志剛突叫幫手抹汗惹批評

更新時間：21:40 2023-05-06
發佈時間：21:40 2023-05-06

香港電台今年復辦《十大中文金曲頒獎音樂會》，頒獎禮今晚（6日）於紅館舉行，2020年港姐冠軍謝嘉怡（Lisa）現身頒發「最有前途新人獎」。謝嘉怡身穿馬甲裝連身褲晚裝現身，性感大騷事業線，最近練拳的她身材fit過選港姐時，更是靚絕今晚頒獎典禮。

【點擊睇謝嘉怡頒新人獎】：

主持李志剛提到做港姐要美貌與智慧並重，問謝嘉怡會否對拍網上影片有幫助，謝嘉怡直指有幫助；李志剛又繼續問新人是否雖然美貌與智慧，謝嘉怡淡定回答：「都要嘅，新人啲人唔識，都要做好。」昔日曾入任手術室護士的謝嘉怡又指，做醫護也需要智慧：「個人一定要好冷靜，唔可以緊張。做手術室護士要好冷靜，唔係就好危險，要唞氣慢慢嚟。」

李志剛之後卻在台上說：「我睇好多時都要同啲醫生抹汗，我諗我而家都好需要。」謝嘉怡則扮聽唔明說：「都係，有時做手術都要十幾個鐘企喺度，有時都會出汗，但都唔係好多。」不過旁邊的主持黃天頤卻加把口，導出李志剛真正目的：「其實佢真正嘅目的係你親近下佢，幫佢抹汗。」謝嘉怡則醒目攤開雙手示意冇紙巾，成功解圍後才繼續頒獎訪問。

【其他閱讀】：

伍詠薇身形激瘦只剩「小新眉」 42歲張彥博童顏進化同「亞洲舞王」撞樣

張栢芝與二仔行街一舉動自揭原來好慳家兒子鍾情垃圾食物阿媽反應曝光

吳千語晒鮑魚好身材逼爆小背心！大宅飯廳直出巨型花園裝潢典雅如示範單位

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ