THE FIRST TAKE丨姜濤唱功被批表現不穩遭Anson Lo擊敗耳靈網民質疑有修音

更新時間：21:46 2023-05-17
發佈時間：21:46 2023-05-17

MIRROR成員Jer（柳應廷）同Jeremy（李駿傑）日前登上日本人氣音樂頻道《THE FIRST TAKE》」演唱《人類群星閃耀時》後，今晚再與Anson Lo（盧瀚霆）和姜濤現身節目，四人合唱首支英文團歌《Rumours》，歌曲於九時上架，一班「鏡粉」當然早早湧入專頁等候，四子一出旋即瘋狂式洗版狂派like讚好，短短4分鐘已經有逾6萬觀看次數！Anson Lo輕鬆兼淡定的表現，似乎比姜濤更勝一籌。

今次依然以一鏡到底的方式拍攝兼演繹，有了上一次的經驗，Jer和Jeremy的唱功更加穩定，Jer更幾乎包辦成首歌的飆音部份。首度登場的Anson Lo亦不見得太緊張，出場時一臉輕鬆，相比之下姜濤顯得有點拘緊，神情更見嚴肅，結果連聲線都出不穩定情況，多次出現「時大時細」聲的情況！
演出過後，Jer、Jeremy和Anson Lo等人均鬆一口氣，姜濤終於再現笑容，齊齊擊掌以英文說：「We did it！」

除了「鏡粉」瘋狂洗版外，亦有網民在「連登」出PO討論今次的演出，有人覺得上次陳柏宇和Jer和Jeremy分別唱廣東話歌，何解今次選擇唱英文歌？同時亦有人質疑影片曾經作出修改，甚至還有人直斥姜濤有如和音！

對於今次有份參與TFT錄音，首度登場的Anson Lo及姜濤當然覺得很榮幸，《Rumours》編曲簡潔，亦加入大量和音，與原作偏重跳舞節拍有很大的差別，Jeremy表示：「因為今次編曲都係比較乾淨同Soft，所以當中用咗好多和音去Support件事。12個人去唱時力量好大，得我哋4個人第一次去做呢件事，就諗咗唔同嘅和音去令到件事更加豐富。」Jer都指練習和音是很難得的學習過程，他說：「MIRROR喺台上表演通常都係好大力跳舞，今次我哋特登為咗呢個Version練咗好多和音，學咗好多、唱咗好多，大家喺聲音上面都有好大嘅進步。」

演出過後，姜濤都自認在錄音過程中自己最緊張：「我喺團隊裡面唱歌唔係最叻，唱歌進步空間仲好大，英文歌我又唔熟悉，因為少唱英文歌，對於英文嘅把握唔係好大，所以全程略顯生硬，同埋4個之中我係算比較容易有失誤，因為我容易搶拍，呢個係我嘅缺點，嗰時我都理唔到表情；喺一個注重聲音節目入面，自己嘅聲音拍子係準確就得喇！」Jeremy都覺得姜濤表現可以更好，更說：「姜濤喺Rehearsal嘅時候嘅Energy好好，但一去到Studio佢就僵咗！」就連Jer都認同道：「佢真係變咗『僵』濤！」