江若琳宣佈誕B仔頭髮濃密極可愛 生產過程現驚險大爆老公好慌張
發佈時間：16:39 2023-06-09
現年35歲的江若琳與老公蕭唯展（前名蕭潤邦，Oscar）去年聖誕節前夕宣布懷孕，上月底在IG公佈陀B仔，今日下午江若琳在IG宣佈囝囝已經出世，貼出一家三口合照，見B囝細細粒，頭髮相當濃密，非常得意。江若琳還撰寫長文表示囝囝Owen比預產期早兩日出世，多謝醫護人員照顧外，還笑說老公蕭唯展最初慌慌張張，不過之後給予她很大支持。
【相關閱讀】：江若琳下月卸貨開心公布BB性別 Oscar膽生毛爆老婆躁底惟有死忍
【點擊睇江若琳囝囝出世】：
江若琳在IG撰文說：「我們仨的第一張合照，BB包 我地終於見面啦！我等左你好耐啦！雖然你比我預期中早左兩日出現，明明媽媽我book咗餐廳 食餐好過兩日先施施然生你架嘛！唔緊要，以後你既人生都可以好似咁 由你自己去決定，我知道呢個係你既選擇，我會永遠支持你尊重你，爸爸媽媽會成為你生命中最強大既後盾，你突然間要發動，一切黎得好快！」江若琳更表示生產過程略帶驚險，幸好最後母子均安：「雖然過程中有少少驚險，但當下我只係知道我要拼盡所有力氣去保護你，將你平安帶到嚟呢個世界，我哋合力完成啦！感謝你健健康康 ，平平安安！」
江若琳還爆料老公蕭唯展慌慌張張：「最後我想俾最大既掌聲BB包爸爸，最初見佢慌慌張張，以為佢流流地。點知到生產整個過程佢一直俾好大既支持我，係我耳邊打氣同我講：『咩都唔好擔心，加油push！』然後佢克服晒佢最驚既事，我哋成功啦！BB包平安於6月7日，降落地球！謝謝你瀡滑梯，嚟到我哋既世界，你嘅出現令我人生變得太完整同美好！」她最後正式介紹囝囝：「同大家介紹我個男朋友仔Owen Siu，大家多多指教 #我搵到我嘅初戀了 #我最愛的男朋友💋」
蕭唯展亦在IG貼相留言：「2023年6月7日，我陪老婆步入產房，看到甚麼是十級痛楚，看到你痛到頭也要爆開了。我分擔不到你的痛雖然陪着你，但幫不到甚麼，只能按着你頸後說加油。很勇敢、很偉大、很有愛的媽媽，辛苦老婆❤️以後最好的都留給你們，最差的都留給我來撐。歡迎來到地球，BB包Owen Siu，要孝順媽媽❤️」
【其他閱讀】：
尹光AI翻唱姜濤林家謙驚艷網民 唱出滄桑感好聽過原版狂推真人演出（有片）
專訪｜伍富橋與富貴老婆新聞台相識印象差：唔係正常女仔 認「億萬駙馬」形容貼切
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
