72歲李龍基「爺孫戀」大壓力要滿足36歲性感女友認靠男士保健品

更新時間：21:00 2023-06-26
發佈時間：21:00 2023-06-26

現年72歲的藝人李龍基，計劃今年內跟2019年開始相戀的36歲女友王青霞（Chris）結婚。為了年輕女友着想，亦被對方的活力感染，李龍基現時很注重保養，更因為不煙不酒、生活檢點，且早於廿年前已關注男士補健，因此縱使雙方年齡相差一倍，李龍基仍揚言「有心有力」，可滿足女友需要。

【相關閱讀】：亞視台慶丨72歲李龍基未婚妻驚變大媽？自爆見家長成功年尾低調結婚

【點擊睇李龍基為聚嫩妻食補健品】：

對於外界以「爺孫戀」形容李龍基與女友的關係，李龍基坦言絕不介意：「由始至終覺得愛情係冇年齡區分，最重要佢真心對我，我又真心對佢。」對於擁有一個年輕貌美的女友，李龍基大感自豪，直言不介意身邊朋友羨慕或妒忌。自己亦會不自覺地迎合女友，就連處事及說話模式都變得年青，但他也直言有壓力：「話冇壓力就假嘅，所以我都要𥄫實啲，呢個世界除咗我，仲有好多男士都鍾意呢一類型。」

要保住靚女友，李龍基也有進食男士系列補健產品，最近更成為代言人，但他直言絕不尷尬，「年紀大咗係需要補充，令某方面功能強大，唔好話特別強大，保持正常已經好開心。」更笑言若沒有這種行為，人類就會絕種，談到婚後可有生育計劃？他就表示會順其自然。

提到事業與家庭上的平衡，李龍基指現階段心態是努力工作，盡情去玩，在歌唱路上，他仍然有一份熱血追求，更即將在7月跟好友葉振棠在伊館開演唱會，他表示：「以前唱歌、拍戲都係為搵食，尤其是唱歌，唱完收到錢就算，𠵱家嘅我會自己出錢製作、寫歌，最近我都作咗幾隻歌，𠵱家搵緊朋友幫手填詞、編曲，甚至錄音，賺唔賺錢唔重要，最緊要滿足自己。」