愛回家丨Philip仔退出劇組成功入讀心儀中學 送水輝Linda媽咪合體慶祝
發佈時間：18:00 2023-07-25
「Philip仔」梁禹勤因為要專注學業的關係，今年2月宣佈離開無綫處境劇《愛‧回家之開心速遞》，爸爸「送水輝」許家傑和「Linda媽咪」林淑敏當然感到不捨，不過私下依然保持聯絡，日前一家人終於合體，因「Philip仔」入到心儀中學，「送水輝」和「Linda媽咪」齊齊為兒子慶祝！
【相關閱讀】：愛回家｜「Philip仔」與大小姐久別重逢晒合照放閃 竟遭網民誤認係熊尚善
【點擊睇「Philip仔」同送水輝、大小姐合體】：
「Philip仔」的IG貼了多張合家福，即將成為中學生的「Philip仔」，外貌比之前成熟了不少，多年一份少男情懷，他更並說：「今晚輝爸爸請食飯，慶祝屁孩入到心儀學校，可以同好朋友們一起渡過快樂的中學生活，屁孩話會努力讀書，將來好好孝敬輝爸爸同Linda媽咪。」「Linda媽咪」亦有回覆：「愈大愈靚仔！我終於明白點解啲媽咪會覺得自己個仔永遠好過其他人。」輝爸還說：「乖仔，俾心機讀書。老豆永遠愛你。」
其後「送水輝」更在自己的IG貼相兼留言：「還記得6年前的小豆丁，霎眼已經長大成人。雖然唔係我親生兒子，雖然我在片場對你很嚴厲，但我從心的喜愛你。無論將來你既路係點行，但好肯定我哋會陪你一齊行#宋飛立#蓮輝#永遠愛妳」睇完全家福相片後，陳敏之忍不住留言說：「你哋真係好似一家人！」「送水輝」則回覆：「 6年都係屋企人，連樣都似埋。」
見證「Philip仔」成長
「Philip仔」在《愛回家》的拍攝生涯由2017年6歲的「冬菇頭BB」到12歲的青春期少年，可算是在觀眾見證下成長，與爸爸「送水輝」和「Linda媽咪」感情相當深厚！當日「Philip仔」離開劇組，他曾留言：「多謝爸爸媽媽六年來的照顧和關懷，我入黑洞了，拜拜 #愛回家之開心速遞 #大小姐#宋總監 #宋飛立#宋氏一家 #青春的黑洞」，「送水輝」亦有發文：「一家三口 永遠愛護你，就算你由bb仔到而家已經型仔過我，我都當你係我嘅 philip bb。#loveyouasalways #招牌冷面笑匠」
【其他文章】：
愛回家｜「Philip仔」小學畢業晒型仔相似Rock友 淡出劇組專注學業：之前仲係BB
《愛回家》Philip仔原來係芭蕾舞高手 5歲學舞曾奪冠軍仲熱愛田徑
愛回家丨「Philip仔」為學業淡出不捨劇組 「技安」預告戲份將大減
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
