網民嚴選18位最想娶女星！影帝高學歷老婆成半百組別首選蒙嘉慧陳煒極搶手

更新時間：09:00 2023-08-20
發佈時間：09:00 2023-08-20

近日有網民於討論區以「如果畀你揀一位藝人做老婆，你會點揀同點解？」為題開Po，嚴選圈中最「Ｗife-able」的最佳人妻，其中不少是「五十路」靚太，最多人討論的是陳煒、郭藹明和蘇玉華，近日獲網民封為「絕世好老婆」的賭王二房孻女何超儀亦有上榜。

【相關閱讀】：細數娛圈5位絕世好老婆！女星傳賣鑽戒為夫還巨債視后救回「抑鬱」老公

【點擊睇嚴選18位最想娶女星】：

在討論區中，一眾網民踴躍推舉不少人選，當中55歲郭藹明成為大部份人首選，主要因為她是學霸，在美國南加州大學機械工程學碩士畢業，更當選1991年港姐冠軍，絕對是美貌與智慧並重：「智慧型女性，記得好似幾高學歷」、「識整電視，劉青雲屋企電器壞咗老婆整」、「呢個老婆返到屋企一定係溫柔關心你，支持你工作，得閒傾吓偈分分鐘有得着，見到佢就條氣順晒，呢啲係男人最需要老婆嘅地方」、「叻得嚟又溫柔又肯做小女人」、「劉青雲前世一定做咗好多好事同善事，今世有個咁好嘅老婆」等。

55歲蘇玉華同樣討論度極高，曾於TVB飲食節目《美女廚房》展現精湛廚藝的她，被冠以「美女廚神」稱號，之後拍過煮食節目及推出烹飪書，因而獲網民大讚「入得廚房出得廳堂」，想不到連溫柔聲線亦成為賣點：「睇佢煮嘢食真係有料，好吸引，樣又唔算太差」、「唔知點解覺得佢把聲聽落好舒服」、「性格唔知但感覺唔差得去邊，樣又OK，身材唔算最Top，Overall一定係頭三最適合」。

何超儀成人妻典範

另一位主持過《煒哥的味道》及《黃金盛宴》等煮食節目的陳煒將於11月「入五」，亦是網民三甲之選，有人更翻摷她於TVB劇《法網狙擊》的水着片段，大讚樣靚身材正：「50歲人仲Keep到咁靚，樣、身材、留短髮都咁掂，仲要識煮嘢食」、「幾正，有時覺得佢有種賢良淑德嘅感覺」、「已經贏咗，一睇就知係旺夫」。

此外，網民又列出各種類型的人妻典範，其中「富婆型」必選是賭王二房孻女何超儀：「家底唔使講，血統靚，重情重義」、「又玩得又重情義，大把錢」等。現年48歲的何超儀近日於《The Do Show》透露，曾患有肝硬化及直腸炎的丈夫陳子聰，去年10月在澳洲肚痛被送入急症室，經檢查後發現大動脈爆裂，需即時接受開肚手術，更差點要切腿。最終陳子聰昏迷一個多月才醒來，何超儀一直悉心照顧老公，後來聯絡香港瑪麗醫院找來教授幫忙，乘醫療專機返港，又再到美國重建尿道。

蘇施黃變「偏門」之選？

至於50歲蒙嘉慧獲封「玩伴型」最佳人妻：「唔介意老公成日打機，仲有講有笑，呢啲老婆邊到搵」、「打機行山做Gym乜都得。」40歲苟芸慧（苟姑娘）則當選「情趣型」最佳人妻，惟最具爭議是她的身形一時暴脹一時纖瘦，有網民抵死指：「要睇年份，唔係個個年份都好」、「全盛時期樣、身材最Top咁滯」、「外形唔使講，講廚藝都有藍帶」。

其餘人選包括何超蓮、陳自瑤（Yoyo）、謝安琪（Kay）、鄧麗欣（Stephy）及李佳芯（Ali）等，90至00后之選則有麥明詩、陳瀅、炎明熹、女團COLLAR成員等。當中「偏門」之選仲有68歲蘇施黃，提出的網民解釋：「（佢）先係入得廚房，睇佢煮嘢食仲有料。」認真爆笑！