思家大戰丨80年代K歌《傷感雨天》原唱方麗盈罕現身 早前曾客串《愛回家》
發佈時間：19:00 2023-08-20
李思捷主持的《思家大戰》第三季（20 日）播出一集，有陳豪率領的《破毒強人》隊，成員包括胡定欣、蕭正楠、何廣沛和郭柏妍，對戰「天涯歌女」隊，成員包括何儷沂、歐寶娜、韋飛雄和陳家美，以及80年代K歌天后方麗盈。
【相關文章】：羅敏莊與經理人鬧翻慘遭雪藏事業停滯 直認與同期上位歌手關係疏離
【點擊睇方麗盈近況】：
視帝陳豪（阿Mo）甫出場即以《破毒強人》的招牌「文華」聲和大家打招呼，李思捷問到為何聲音會這樣？鬼馬的陳豪笑言：「因為食咗啲好嘢，飲咗啲靚咖啡之後，把聲就變咗High High哋！」在劇中與陳豪有無限恩怨情仇的蕭正楠接著說：「我同阿Mo條線好好睇。」顧住硬銷自己「忽視」了隊友，旋即引來胡定欣和何廣沛怒睥圍攻，知衰的蕭正楠即補鑊耍冧：「條條線都咁好睇！」
自揭黑歷史「同朕Check 吓」
今集問答環節笑料十足，其中一條問題是「講到陳豪會諗起啲乜？」，陳豪自揭黑歷史，重新演繹當年在《帝女花》的經典對白「同朕Check 吓」，惹來全場爆笑。另一條問題「年紀超過40 歲，又靚又Nice又叻又有錢嘅淑女，點解會單身？」，身為單身貴族的胡定欣即被李思捷瘋狂狙擊，有人回答「太花心」時，李思捷即追問胡定欣：「係咪呀？」不過見慣大場面的胡定欣未有被拋窒，只是淡定說：「點解望住我呀？唔知喎！我個人好專一。」
80年代K歌天后再現人前
至於「天涯歌女」隊全是唱得之人，穿上Bling Bling 歌衫的她們即席獻唱《天涯歌女》，氣氛十足。方麗盈是80 年代末出道歌手，其1988 年推出的《傷感雨天》Hit爆K 場，後來輾轉做過保險業和地產界，近年更有擔任特約演員，曾客串演出《愛．回家之開心速遞》、《七公主》、《金宵大廈2》等不同劇集，相信不少觀眾會覺得她熟口熟面。
出身於音樂世家的方麗盈，小時候未有想過入行，後來任職歌手的媽媽因酒廊人手不足，叫她落場做歌手，她才在耳濡目染下走上同一條路，後來在星探賞識下，帶同監製到來酒廊聽歌而入行。其後方麗盈憑《傷感雨天》一曲闖出名堂，成為卡拉OK必唱歌曲之一！但後來因為姐姐「唱歌唔可以一世」這一句話，於是轉行做保險，不過方麗盈曾在訪問上說過未有放棄唱歌：「我一路都照唱，唱歌係自由身，可以接又可以唔接，而保險呢行都幾自由，所有時間我都可以自己安排。」於是方麗盈有一段時間全職去做保險，及後有好多因素又復出唱歌：「唱唱吓就自然有人搵，有位就攝返出去。」
【其他文章】：
思家大戰丨羅家英聞老婆未能陪赴貴州「食翅慶祝」 汪明荃禁再提內褲顏色
思家大戰丨陳庭欣率「東張女神」集體露膊 玩香肩人浪大騷曲線美
思家大戰丨炎明熹讚大姑丈唱歌好聽 擔心失飯碗：我以後唔使唱歌喇
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
