JPEX案丨苦主報《東張》斥KOL串通遊說投資林作語音曝光：想去警局我唔建議

更新時間：22:10 2023-09-19
發佈時間：22:10 2023-09-19

《東張西望》今晚（19日）報道虛擬資產交易平台JPEX涉無牌經營風波，投資苦主「陳先生」接受訪問時大吐苦水，而節目又播出林作早前宣布虛擬資產交易平台的語音，以及事後主動向警方備案的語音訊息，林作稱：「佢個平台仲有運作，所以呢如果自己想去警局，我就唔係太建議，無乜用。」

【相關閱讀】：獨家丨裕美親回男友林作被捕！稱隨時Stand by不擔心拒認最佳女友：幫到手就幫

【點擊睇JPEX投資苦主吐苦水】：

投資苦主「陳先生」接受訪問時，向主持陳瑞菱表示：「好多KOL不停咁樣去慫恿人，用任何邀請碼去加入呢個JPEX，我自己個人覺得佢哋全部KOL係夾埋囉。當你哋落貨嘅時候，佢哋就會逐個逐個不停同你講，JPEX有咩好處，點樣去投資，佢亦都會Show俾你睇賺到幾錢，所以呢個App係可以慫恿你哋去入錢。」

林作與投資者語音對話

林作在中環娛樂行開設加密貨幣找換店OTC，亦曾經宣稱申請成為JPEX合黟人，更在社交軟件教人投資。《東張西望》播出林作與投資者的語音對話：「你download咗我個App未？你用咗我個邀請碼入JPEX未？可以有折嗰啲交易費。」事後林作自稱是受害人，主動向警方備案，向JPEX投資群組發送的語音訊息提到：「大家如果自己都想向警察報案，你去普通嘅警局報案，並無任何效用，最基本嘅法律上嘅情況，就喺現時嚟講呢，佢個平台仲有運作，佢仲肯覆你，用唔同嘅理由都好，一般已經令到警方難以介入，所以呢如果自己想去警局，我就唔係太建議，無乜用。」