與江嘉敏擦出火花馮盈盈拒被叫師姐：你入行我仲未選港姐

即時娛樂

更新時間：20:09 2021-03-11 HKT
發佈時間：15:35 2021-03-11 HKT

馮盈盈自言晨早起身跑步去水腫就不用P圖。

馮盈盈與江嘉敏出席新節目《解構心機女》記者，二人由好閨密決裂後屢傳不和，日前各自在社交網分享錄影節目破冰合照，馮盈盈被指疑似P圖「瘦己肥人」。
記者會上二人大方合照，雖然稍有交流但略帶尷尬。一同接受訪問時，就貼文上馮盈盈透露為江嘉敏送上珍珠奶茶「破冰」，江嘉敏卻謂正直生理期不宜渴凍飲。問到她們是否破冰？馮盈盈笑說是走冰：「江嘉敏第一次過嚟做主持，請佢飲嘢為佢打氣，但我真係未夠細心，唔好意思，無預你生理期。」

談到兩人都被標籤為「心機女」，再加上一同做節目，可有想過推演？江嘉敏認為凡事都有兩面，心機女亦有好有壞。馮盈盈稱從來不考慮推演，任何工作機會都很樂意接受。談到P圖事件，問到江被「P肥」可感到被傷害？她笑說：「邊個P肥我，邊張相先？」她隨即扯開話題，分享首次做主持的心路歷程。追問到有否被傷害？她笑說：「無乜嘢傷害到我㗎！」至於有人冒認「江媽媽」名字，於網上跟馮盈盈粉絲爆罵戰，江嘉敏自言是公眾人物願意接受所有批評，但其家人不是公眾人物，不要太過火，亦承認對此事有點憤怒。

江嘉敏扯開被P肥話題。

二人合作均稱不想放過任何演出機會。

問到馮盈盈有沒有P圖「瘦己肥人」？馮盈盈說：「其實張相由我肋手幫我哋影，原圖喺我助手電話入面。既然大家咁執着有無P圖，我哋嘅編輯方法都各有不同，審美眼光好主觀，同埋我從來無講過我自己啲相無P圖，如果有P圖我會大方承認，唔會有P扮無P。」

馮盈盈即場派貼士表示底子好緊要，自言6點半起身跑步出汗去水腫，以最佳狀態示人就不用P圖。江嘉敏即時稱她為師姐，馮盈盈笑笑說：「唔好叫我師姐啦！我哋同年㗎咋！同埋你2014年已經入行，拍港台拍電影。維基咁寫㗎，當時我仲讀緊書未選港姐，反而我嗌返你師姐先啱㗎！」
至於二人屢傳不和，現在合作拍節目，可怕最終影響自己形象？江嘉敏說：「由頭到尾都無呢一個事情發生，但大家都要繼續發酵。其實我都要多謝呢件事，因為唔係咁樣，我應該無呢一個工作機會。」馮盈盈說：「我覺得用行動證明最好，拍咗兩日真係有好多火花。」問到是否由始至終都沒有不和？馮盈盈說：「無！」