屯門巴士司機停車高速公路開咪鬧乘客 不滿大聲傾偈：「繼續講啊！我大把時間！」｜Juicy叮
發佈時間：15:13 2025-02-07 HKT
網絡熱傳有屯門巴士在高速公路停車，司機開咪大罵乘客，指斥有人大聲傾偈：「繼續講啊，唔緊要啊，我大把時間！」
有網民昨日（6日）在「文人多說話」FB專頁發布事發時影片，帖文以「巴士超級癲司機，有乘客大聲傾偈，佢開mi鬧到飛起」，全程如下：
屯門巴士司機停車高速公路開咪鬧乘客 不滿大聲傾偈：「繼續講啊！我大把時間！」↓↓↓↓
影片長近1分鐘，事主當時坐在巴士下層後座位置，他拍下巴士停在屯門公路，巴士司機這時已開著車廂內的咪高峰，怒斥乘客，現場鴉雀無聲，有乘客望向身旁，似對司機行為感到錯愕。
有曾任職巴士車長的網民解釋，巴士車長駕駛室右上角，設有一枝黑色咪高峰，「唔係有咩特別嘅嘢，車長多數唔會用。」
司機：頭先播咗咁多次廣播，就應該醒水啦
片中，巴士司機語氣有點激動，他透過車廂內的咪高峰罵道：「繼續講啊，繼續大聲傾計啊，唔緊要㗎，唔係傾電話，下面講嘢大大聲啊，好似開會議咁。」司機說到這裡暫時停頓一會，這時，車廂內傳來乘客「啊」「啊」之聲，似乎明白司機為何突然停車。
司機繼續罵道：「繼續講啊，唔緊要㗎，阻住你哋啫嘛，我大把時間。」他又再略停頓，接著說：「繼續講啊，唔緊要㗎。」司機這時不說話，現場鴉雀無聲，司機再說：「我頭先播咗咁多次廣播，就應該醒水啦，係嘛啊？」
同場加映：屯門巴士客開手機勁大聲 司機報站屏幕突打「呢句」即收聲 網民：仲有更激：↓↓↓↓
有疑似在現場的網民，在「屯門友」FB專頁留言補充事件起因：「事源是個乘客喺鳴琴(站)上車，已經好大聲講嘢，所以車長先迫於無奈停低，冇人想知道佢間蛋糕店生意好唔好囉。」
網民：唔識揸車既人 先覺得司機有問題
影片引發網民熱議，反應兩極，不少網民支持巴士車長開咪阻止乘客在車內喧嘩：「唔評論其他，但可以講你知...一路揸車一路聽住佢地大聲講電話睇抖音，係好困擾的。」有人指經常見有長者開手機「大大聲嘈住司機揸車，贊成司機小人，唔通發生意外好咩？」「只有唔識揸車既人，先會覺得司機有問題。」「點癲法，好正常喎，係咪樓主你畀人鬧？」「雖然個做法可能唔係最理想，但支持個司機。」
網民：唔係咁既説話同語氣
不過，部分網民則認為司機停在高速公路開咪，做法有改善空間：「你可以話被噪音騷擾唔開車，要求乘客配合先再開車，但唔係咁既説話同語氣囉。」「巴士佬幾Ｘ惡 ，人地傾電話都停係高速鬧人。」「直頭犯晒交通規則！」「狂躁症揸巴士好危險。」有網民呼籲：「作為乘客都要自律吓！始終車長要肩負成車人的安全和性命，壓力一定有，不必要的燥音可免則免，以免影響司機專注力。」
九巴乘客須知列明，應為其他乘客設想，不應在車內作出令其他乘客感到煩擾的行為，例如高聲談話、聲播放流動設備音響等。此外，又嚴禁使用任何恐嚇、侮辱、辱罵或不恰當的言語或動作，或以任何其他方式騷擾車長或車廂內之乘客。
同場加映：巴士上剪指甲車長開咪鬧 19字「金句」惹熱議 網民：車長經歷過？：↓↓↓↓
