56歲陳雅倫著跌膊低胸裙玩街拍 約吳啟華海俊傑大灣區High唱《吻別》
更新時間：08:00 2022-09-03
發佈時間：08:00 2022-09-03
發佈時間：08:00 2022-09-03
字體大小
56歲陳雅倫到內地生活咗兩年，佢話「很想念香港的一切，一個我從小長大的地方！因為在內地，這2年上Facebook 和IG的次數也少了，大家可有想我呢？」再附上一段短片，着上跌膊低胸長裙嘅佢好靚呀，擺晒甫士，配上啲影相APP，感覺好有秋意。帖文仲有補充的，「8月初來到中山工作兩星期，中山是個非常寫意又漂亮的城市，空氣很好，經常藍天白雲，人口只有4百萬，有點台北及高雄的影子，感覺生活很寫意，於是在街頭拍了些宣傳照和視頻，這張隨心街拍，大家喜歡嗎？」
話佢少女又誇咗，但真係唔識老。
幾靚。
呢張塊面好似無咁重手。
邊似56歲。
陳雅倫好多嘢問，問完有無掛住佢又問大家鍾唔鍾意，想答嘅自己碌入佢社交平台啦。之後再見到一段片，就係佢同吳啟華及海俊傑一齊唱K，見佢哋聲嘶力竭咁唱張學友首《吻別》，去到高音位個個塊面都拉長晒，真係好投入呀。去到尾聲，吳啟華係咁揮手打招呼，然後陳雅倫介紹海俊傑，海俊傑又介紹返陳雅倫，話佢係新秀歌唱大賽嘅師姐。
對於呢個港星卡拉OK聚會，陳雅倫好興奮，因為佢話喺大灣區經常會意想不到咁撞到好多香港藝人朋友，基本上撞到嘅機會仲多過香港，每次一見到都會好開心。更指跟吳啟華及海俊傑識咗超過20年，仲話「重情重義最大的收鑊，莫過於處處都有好朋友。」真係戥佢高興。
同以前好似唔大分別，當然一定有執吓相啦。
年初去杭州做嘉賓。
睇啲觀眾幾瘋狂。
喪屍咁。
立即下載 | 全新《星島頭條》APP : https://bit.ly/3yLrgYZ
