湯洛雯好想潛水但無諗過搞水底婚禮 將與姊妹團揀婚紗唔要太多布
更新時間：16:50 2023-07-13
發佈時間：16:50 2023-07-13
發佈時間：16:50 2023-07-13
字體大小
湯洛雯和應智越（細貓）今日到馬鞍山出席商場活動，識潛水的湯洛雯好想再到海外潛水，問她可有想過舉行水底婚禮？她笑言不會，因為難度很高，而且馬國明也不懂潛水，「他連游水都唔識，雖然佢話識，但之前同佢游過水，發現佢其實唔識，等我教識佢先。（潛水不用識游水？）對，不過我覺得教識佢游水，學多點水性再學潛水會好啲，我擔心佢會驚。」
因為馬國明除了拍節目外很少去旅行，故希望趁度蜜月時多去幾個地方，靚湯透露想至少去一個月，「有時間想去深度遊，始終都3年無去過旅行，如果是用度蜜月名義，他應該可以放一個長假，不過我怕自己會瘋狂shopping，現在要儲多點錢。」又透露將與姊妹團去揀婚妙和晚裝，馬國明不會同行，想讓他有驚喜會感動，希望他看到後不要天然呆，問她傾向揀甚麼款式？她即口快快表示不要太多布，後來解釋是不想太多一層層，傾向簡單的款式，也不會太性感。
《星島頭條》新網站有更多精彩內容：http://www.stheadline.com/
