獨家丨林作視網膜脫落做緊急手術 裕美形影不離照顧融化林母：好感動
更新時間：06:00 2023-07-18
發佈時間：06:00 2023-07-18
發佈時間：06:00 2023-07-18
字體大小
裕美今日凌晨於社交網代男友林作出po報平安，寫道：「剛剛做完重大手術，剛醒。」圖中見兩張林作身穿紫色手術袍，左眼緊閉，右眼蓋住紗布，趴睡病牀上相。文：方騫平
林作剛接受大手術。
個半小時修補視網膜手術，手術順利。
網民取笑林作入院割包皮及被裕美家暴。
亦有追問他趴喺度瞓係咪入院割痔瘡？也有祝他早日康復。
林母王莉妮(Lily)接受《星島頭條》獨家訪問時透露兒子視網膜脫落要接受緊急手術，她語帶擔心說：「可能佢呢排諗嘢太多，工作壓力又好大，休息少，希望林作快啲好返，可以喺下月我嘅生日會上做主持，同場仲有麥玲玲及呂校長，𠵱家考慮緊叫埋佢女友(裕美)，因為今晚見佢有幫手照顧林作，我都好感動，我經已返咗屋企休息，餘下時間交畀佢(照顧)。」之前林母曾嫌棄裕美結過婚及學歷低，問到是否肯接納裕美？她態度軟化說：「有時有啲嘢唔恨得咁多，人生苦短一切要看開。」
裕美表示，上周六和林作結伴去朋友飲宴，當時林作右眼開始不適，滴過眼藥水，瞓醒後仲矇查查，而且有啲頭暈，眼科醫生診斷他視網膜脫落，若果不及時做手術嘅話，兩周後就變得好難搞，昨晚林作馬上入院，晚上十點半接受手術，做咗個半鐘，手術順利，貼心女友裕美說：「手術後我怕佢趴睡瞓得唔好瞓，所以先返屋企搵啲嘢畀墊住個頭，轉頭返去陪佢。」
對於她形影不離照顧林作融化咗林母，她卻大感意外，帶點疑惑道：「佢接納咗我？我唔知呀，今次係林作人生第一次做手術，所以大家都好緊張，阿作媽媽及男友都有嚟醫院。」問到係咪好嘅開始時？裕美坦白說：「其實我未有時間消化太多，因為手術後要趴睡，我只係全心全意趕返屋企DIY一個頭枕畀阿作，半夜送去醫院畀佢，等佢趴睡時透到氣。不過，林作媽媽臨走時有交託我睇住阿作，咁都開心嘅，佢好安心將個仔交畀我，我都好多謝佢。」
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最Hit
家暴持續 婦女啞忍
3小時前
同你講故｜香港消失的商場娛樂設施！拆解西九龍過山車停駛不拆不載客之謎！
2024-11-24 11:00
茶餐廳術語收據寫「二島」代表咩？食客搲爆頭「用咗十秒先明」 網民熱議賭神上身：茶記版十三張！
2024-11-24 11:00